கடந்த 1930 ம் ஆண்டுக்கு பின்னர் பிரிட்டனில் மிகப்பெரிய பொருளாதார நெருக்கடி ஏற்பட்டுள்ளதாக பிரிட்டன் மத்திய வங்கி ஆளுனர் மேர்வின் கிங் தெரிவித்தார். பிரிட்டன் கடன் வழங்கும் துறையில் ஏற்பட்ட பின்னடைவை நிறைவு செய்வதற்கு உடனடியாக மக்கள் மன்றில் இருந்து 75 பில்லியன் ஸ்டேளிங் பவுண்சை உவிந்தாக வேண்டிய அவல நிலை ஏற்பட்டுள்ளதாகவும் கூறியுள்ளார். குறுங்காலத்தில் இப்பணத் தொகையைத் தேடத் தவறினால் இன்றைய பொருளாதார நெருக்கடியில் இருந்து பிரிட்டன் மீட்பது கடினமாகும் என்றும் தெரிவித்தார். 24 பில்லியன் குறோணருக்கு நான்கு வருடங்களில் வழி சொல்லத் தெரியாது தடுமாறுகிறது டென்மார்க். ஆனால் இப்போது பிரிட்டனுக்கு வந்திருக்கும் உடனடி பொருளாதார நெருக்கடி 640 பில்லியன் குறோணர்கள் என்பது கவனிக்கத்தக்கது. கடந்த சில தினங்களுக்கு முன்னர் பிரிட்டன் பிரதமர் டேவிட் கமரோன் கொன்ஸ்சவேட்டிவ் மாநில மாநாட்டில் பேசும்போது ஐரோப்பிய நாடுகளின் பொருளாதார நெருக்கடி பிரிட்டனை வெகுவாக பாதிக்கப் போகிறது என்று தெரிவித்திருந்தமை கவனிக்கத்தக்கது. அது இவ்வளவு விரைவாக வரும் என்பது யாருமே எதிர்பாராத விடயமாகும்.
0 கருத்துகள்:
கருத்துரையிடுக