மாணவர்களை கண்காணிக்கும் மைக்ரோ சிப்!

பள்ளிகளில் மாணவர்களின் நடமாட்டத்தை கண்டறியும் வகையில் பள்ளி நிர்வாகம் ஒன்று அவர்களுக்கு வழங்கப்பட்டிருக்கும் அடையாள அட்டையில் “மைக்ரோ சிப்” பொருத்தியுள்ளது, இந்த "மைக்ரோ சிப்'க்கு பள்ளி மாணவிகளிடையே கடும் எதிர்ப்பு கிளம்பியுள்ளது.அமெரிக்காவின், சில மாகாணங்களில் உள்ள பள்ளிகளில், மாணவர்களின் அடையாள

அட்டையில், "மைக்ரோசிப்' பொருத்தப்பட்டு, ஜி.பி.எஸ்.,தொழில்நுட்ப முறைப்படி, மாணவர்களின் நடமாட்டம் கண்காணிக்கப்படுகிறது.வகுப்புகள் ஆரம்பிக்கும் முன்பும் பிறகும் மாணவர்கள் எங்கிருக்கின்றனர் என்பதை அறிந்து, அதற்கேற்ப,அவர்களது வருகை பதிவேட்டில் வருகை பதிவு செய்யப்படுகிறது.

கடந்த, 2005ம் வருடம் கலிபோர்னியா மற்றும் ஹூஸ்டன் மாகாணங்களில், இந்த நடைமுறைஅறிமுகப்படுத்தப்பட்டது. ஆனால் மாணவர்களின் கடும் எதிர்ப்பால், இந்த திட்டம் கைவிடப்பட்டது. ஆனால், டெக்சாஸ்மாகாணத்தில் உள்ள பள்ளிகளில், இந்த திட்டம் தற்போது நடைமுறையில் உள்ளது.

"இந்த நடைமுறையினால், எங்களது தனித்தன்மை பாதிக்கப்படுகிறது' என, ஆன்ட்ரியா என்ற மாணவி,நீதிமன்றத்தில் மனு செய்துள்ளார்.மேலும் பள்ளி நிர்வாகத்தின் இந்த நடைமுறை, கிறித்துவ மதப்படி தவறானது'என, ஆன்ட்ரியாவின் பெற்றோரும், நீதிமன்றத்தில் தெரிவித்துள்ளனர்.

இதற்கு பதிலளித்த பள்ளி நிர்வாகம் அடையாள அட்டையில் நாங்கள் பொருத்தியுள்ள, "மைக்ரோ சிப்' பள்ளிவளாகத்துக்குள் மட்டும்தான் வேலை செய்யும். அதற்கு மேல், மாணவர்களின் நடமாட்டத்தை அறிய வேண்டியஅவசியம், எங்களுக்கு இல்லை. என்று கூறியுள்ளது.