மேலை நாட்டுப்படைகள் லிபியா தரையில் இறங்கிவிட்டன

ஐ.நாவின் தீர்மானம் லிபியா மீதான வான் தாக்குதலுக்கு அனுமதி அளித்தாலும் அதைப் புறந்தள்ளி மேலை நாடுகளின் படை வீரர்கள் லிபியாவின் தரையில் இறங்கிவிட்டார்கள். மேற்படி தகவலை டேனிஸ் போரியல் ஆய்வாளர் எஸ்பன் செலிங் லாசன் டேனிஸ் தொலைக்காட்சி சேவை இரண்டிற்கு தெரிவித்துள்ளார். இந்தப் படையினர் தாக்குதல் நடவடிக்கையை செய்வதற்காக களமிறங்கவில்லை. ஆனால் லிபியாவின் போர் நிலமையை கட்டுப்பாட்டில் வைத்திருப்பதற்கான ஏற்பாடுகளை செய்யவே அங்கு போயுள்ளார்கள். தரையில் நிலவும்

நிலமைகளை ஆராய்ந்து வான் படைக்கு துல்லியமான தகவல் கொடுப்பது இவர்களுடைய பணியாகும். இவர்களின் தகவலை அடியொற்றி இதுவரை மேலை நாடுகளின் கூட்டுப்படைகள் லிபியாவில் 300 இலக்குகளில் தாக்குதல்களை நடாத்திவிட்டன. மொத்தம் 160 தோமஸ்குவாக் மிசைல்ஸ்கள் வீசப்பட்டுவிட்டன. அனைத்து தாக்குதல்களையும் தரையில் இருந்து இப்படையினரே நெறிப்படுத்திக் கொண்டிருக்கின்றனர். ஆக, நேட்டோ விவாதம் ஒரு புறம் நடக்க படைகள் தரையில் மறுபுறம் இறங்கிவிட்டன.