மகாத்மா காந்தி பிறந்தநாளையொட்டி இதற்கான கோப்பில் முதலமைச்சர் கிரண்குமார் ரெட்டி கையெழுத்திட்டார். இது குறித்து ஆந்திர மாநில அரசு சார்பில் வெளியிட்டுள்ள அறிக்கையில் கூறி இருப்பதாவது: ஏழை மக்களுக்கு ஒரு ரூபாய்க்கு 1 கிலோ அரிசி வழங்கும் திட்டத்தை மாநில அரசு அமுல்படுத்த முடிவெடுத்துள்ளது.
மாநிலம் உருவான நாளான நவம்பர் 1-ந் தேதி முதல் இந்த திட்டம் அமுலுக்கு வருகிறது. இந்த திட்டத்தின் மூலம் 7.50 கோடி ஏழைகள் பயன்பெறுவர். தற்போது 2 ரூபாய்க்கு 1 கிலோ அரிசி வழங்கப்படுகிறது. இந்த திட்டத்துக்கு ஆண்டுக்கு ரூ.2 ஆயிரம் கோடி செலவாகிறது. புதிய திட்டத்துக்கு ஆண்டுக்கு கூடுதலாக ரூ.600 கோடி செலவாகும். இவ்வாறு அதில் கூறப்பட்டுள்ளது.
0 கருத்துகள்:
கருத்துரையிடுக