அமைதிப் பேரணியினர்மீது இஸ்ரேலின் அடாவடித் தாக்குதல்

மேற்குக் கரையைச் சேர்ந்த கிராமமொன்றில் தமக்குச் சொந்தமான நிலத்தைப் பலவந்தமாக அபகரித்து, அதைச் சூழ இஸ்ரேலிய பிரிவினைச் சுவரைக் கட்டியுள்ள இஸ்ரேலின் அத்துமீறலை எதிர்த்து அமைதிப் பேரணியில் கலந்துகொண்ட பலஸ்தீன் பொதுமக்கள் மீது இஸ்ரேலிய ஆக்கிரமிப்புப் படையினர் அடாவடித் தாக்குதல் நடாத்தியதில் பலர் படுகாயமுற்றனர்.

கடந்த வெள்ளிக்கிழமை (05.11.2010) அதிகாலையில் நபி ஸாலிஹ் கிராமத்தைத் திடீரென சுற்றிவளைத்துக் கொண்ட ஆக்கிரமிப்புப் படையினர், பலஸ்தீன் மக்களின் வீடுகளை நோக்கி சரமாரியான தாக்குதல்களை மேற்கொண்டுள்ளனர். இஸ்ரேலிய ஆக்கிரமிப்பாளர்களால் தமக்கு இழைக்கப்பட்டு வரும் அட்டூழியங்களுக்கு சாத்வீகமான முறையில் எதிர்ப்புத் தெரிவிக்கும் வகையில் மக்களை ஒருங்கிணைத்து வரும் பலஸ்தீன் செயற்பாட்டாளர்களான பாஸிம், முகம்மது தமீமி ஆகிய இருவரின் வீடுகளும் கடும் தாக்குதல்களுக்கு உள்ளாகியுள்ளன. வெள்ளிக்கிழமை தோறும் இடம்பெறும் இஸ்ரேலிய பிரிவினைச் சுவருக்கு எதிரான அமைதிப் பேரணியில் கலந்துகொள்ளும் பட்சத்தில் அவர்கள் கைதுசெய்யப்படுவார்கள் என அச்சுறுத்தப்பட்டுள்ளனர்.

எனினும், இந்த அச்சுறுத்தல்களை எல்லாம் மீறி வழமை போலவே குறிப்பிட்ட நேரத்தில் உள்ளூர் மற்றும் வெளிநாட்டுச் செயற்பாட்டாளர்கள் அனைவரும் பலவந்தமாக அபகரிக்கப்பட்டுள்ள பலஸ்தீன் நிலப்பகுதியில் ஒன்று திரண்டனர். அவர்களை அங்கிருந்து கலைக்குமுகமாக இஸ்ரேலிய ஆக்கிரமிப்புப் படையினர் கண்ணீர் புகைக்குண்டுகளையும் கைக்குண்டுகளையும் எறிந்ததோடு, துப்பாக்கிப் பிரயோகமும் மேற்கொண்டனர்.

இத் தாக்குதல் சம்பவத்தின்போது மூன்று பலஸ்தீனர்கள் படுகாயமுற்றதோடு மற்றும் பலர் மூச்சுத் திணறலால் அவதிப்பட்டனர். இதேவேளை, கண்ணீர்ப் புகைக்குண்டு வந்து விழுந்ததில் அமெரிக்கப் பிரஜையான பெண் செயற்பாட்டாளர் ஒருவரும், 16 வயதுப் பலஸ்தீன் சிறுவன் ஒருவனும் படுகாயமுற்றுள்ளனர். இஸ்ரேலிய ஆக்கிரமிப்புப் படை பலஸ்தீன் வீடுகள்மீது மேற்கொண்ட குண்டுவீச்சுக்களின் விளைவாக வீட்டுக்குள் இருந்த 21 வயதான பலஸ்தீன் பெண்மணி ஒருவர் படுகாயமுற்று மருத்துவமனைக்கு எடுத்துச் செல்லப்பட்டுள்ளார்.

கடந்த வாரம் இடம்பெற்ற எதிர்ப்புப் பேரணி, முன்னாள் பிரிட்டிஷ் வெளியுறவுச் செயலாளர் ஆர்தர் ஜேம்ஸ் பெல்ஃபர், லோர்ட் ரொத்சைல்ட் அவர்களுக்கு 'பலஸ்தீனம் யூதர்களின் தாயகம்' என்பதைத் தாம் முழுமனதோடு அங்கீகரிப்பதாய் பகிரங்கமாகத் தெரிவித்து உத்தியோகபூர்வ மடலொன்று அனுப்பியதன் மூலம் 1917 ஆம் ஆண்டு நிறைவேற்றப்பட்ட பெல்ஃபர் பிரகடனத்தின் 93 ஆம் ஆண்டு நிறைவை நினைவுகூர்வதாக அமைந்திருந்தமை குறிப்பிடத்தக்கது.

மேற்படி கிராமத்தில் அமைதிப் பேரணியினர்மீது இஸ்ரேலிய ஆக்கிரமிப்புப் படையினர் மேற்கொண்ட காட்டுமிராண்டித்தனமான தாக்குதல்களால் ஊடகவியலாளர்களும், உள்ளூர் புகைப்படப்பிடிப்பாளர் ஒருவரும் படுகாயமடைந்துள்ளனர். பலஸ்தீன் பொதுமக்களின் நியாயமானதும் சாத்வீகமானதுமான போராட்டத்திற்கு ஆதரவு தெரிவிப்பதைக் கைவிட்டு, நபி ஸாலிஹ் கிராமத்திலிருந்து விட்டு வெகுவிரைவில் வெளியேற வேண்டும் என்று ஊடகவியலாளர்களுக்கு இஸ்ரேலிய ஆக்கிரமிப்பாளர்களால் பெரும் அச்சுறுத்தல் விடுக்கப்பட்டுள்ளது

வீதிக்கு வருகிறார்களாம்!

அஜ்மீர் குண்டுவெடிப்பில் ஆர்.எஸ்.எஸின் முக்கிய பிரமுகர்கள் தேவேந்தர், லோகேஷ் ஷர்மா, சந்தீப் டாங்கே, சந்தர் சேகர் லவே, சுனில் ஜோஷி உள் ளிட்டவர்கள் மீது வழக்குப் பதிவு செய்யப்பட்டுள்ளது. இதில் முக்கியப் பிரமுகரான ஆர்.எஸ்.எஸ். தேசியக் குழுவின் உறுப்பினர் இந்தரேஷ் குமார் என்பவர் சம்பந்தப்பட்டுள்ளார். அவர்மீது குற்றப்பத்திரிகை தாக்கல் செய்யப்பட்டுள்ளது. கைபேசிகளும், சிம் கார்டுகளும் பல ஆர்.எஸ்.எஸ். பேர்வழிகளை அடை யாளம் காட்டிவிட்டன.

ராஜஸ்தான் பயங்கரவாத எதிர்ப்புக் காவல்துறைப் பிரிவினர் தீவிரமாகச் செயல்பட்டு உண்மைக் குற்றவாளிகளைக் கண்டுபிடித்துள்ளனர்.

அஜ்மீர் குண்டுவெடிப்புத் தொடர்பான விசாரணை யில் ராஜஸ்தான் பயங்கரவாத எதிர்ப்புப் படையினரால் கண்டுபிடிக்கப்பட்ட தகவல்கள் அந்த அமைப்பைத் தடை செய்வதற்குப் போதுமானவை என்றும், ஆர்.எஸ்.எஸின் வன்முறை நடவடிக்கைகளைத் தீவிரமாகக் கண்காணிக்கவேண்டும் என்றும் காங்கிரஸ் கட்சியின் செய்தித் தொடர்பாளர் மணீஷ் திவாரி கூறியதுதான் தாமதம் - தாங்கள் பெரும் நெருக்கடிக்கு ஆளாகிவிட்டோம் என்பதைத் துல்லிய மாக உணர்ந்து கொண்ட ஆர்..எஸ்.எஸ். கும்பல் ஆத்திரத்தின் உச்சிக்கே சென்றுவிட்டது.

ஆர்.எஸ்.எஸின் நாக்பூர் தலைவர் ரவி ஜோஷியும், இணைச் செயலாளர் ஒருவரும் இணைந்து பேட்டி கொடுத்துள்ளனர்.

கடந்த 80 ஆண்டுகாலமாக கட்டுப்பாடான வாழக்கை வாழ்வது எப்படி என மக்களிடம் எடுத்துரைத்து வருகிறோம். தன்னலமற்ற இந்தச் சேவையை காங்கிரஸ் கட்சி விமர்சிக்கிறது. தேசிய பேரிடர் வரும்போதெல்லாம், உடனடியாகக் களமிறங்கி, பாதிக்கப்பட்டோருக்குச் சேவை செய்கிறோம். வன்முறைக்கும், ஆர்.எஸ்.எசுக்கும் எந்த சம்பந்தமும் இல்லை. ஆனால், காங்கிரஸ் சகட்டு மேனிக்கு எங்களை விமர்சிக்கிறது என்று கூறியுள்ளனர்.

வரும் 10 ஆம் தேதி புதுடில்லியில் மத்திய அரசுக்கு எதிராகப் போராட்டமும் நடத்தப் போகிறார்களாம்.

நெருப்பு சுடாது, பனிக்கட்டி குளிராக இருக்காது என்று சொன்னால், எப்படி நம்பமாட்டார்களோ அதைப் போன்றதுதான் ஆர்.எஸ்.எசுக்கும், வன்முறைக்கும் எவ்வித சம்பந்தமும் இல்லை என்பதாகும்.

மூன்று முறை தொடர்ந்து ஆர்.எஸ்.எஸ். தடை செய்யப்பட்டுள்ளதே - அது எந்த அடிப்படையில் என்பதை விளக்குவார்களா?

ஆண்களுக்கும், பெண்களுக்கும் துப்பாக்கிப் பயிற்சிகளையும், வன்முறைப் பயிற்சிகளையும் ஆர்.எஸ்.எஸ். கொடுத்து வருகிறதே - இதன் தன்மை என்னவாம்?

காந்தியாரைச் சுட்டுக் கொன்றவர்கள் யார்? கோட்சே ஆர்.எஸ்.எஸ். அல்ல என்று தங்கள் மீது விழுந்த கறையைக் கழுவிக் கொள்வதற்காக இவர்கள் மறுக்கலாம்.

நாதுராம் கோட்சேயின் உடன்பிறப்பான கோபால் கோட்சேயும், அவரது மனைவியும் நாதுராம் கோட்சே கடைசிவரை ஆர்.எஸ்.எஸ்.தான் என்று பேட்டி கொடுத்துள்ளனரே - மறுக்க முடியுமா?

நெல்லை மாவட்டம் தென்காசியில் ஆர்.எஸ்.எஸ். அலுவலகத்தில் அவர்களே குண்டு வைத்துக் கொண்டு இஸ்லாமியர்கள் மீது பழியைச் சுமத்தி மதக் கலவரத்தைத் தூண்ட சதித் திட்டம் போட்டார்களே - அது அம்பலம் ஆகவில்லையா?

கான்பூரில் 2008 பிப்ரவரி 24 இல் நடந்தது என்ன? ஆர்.எஸ்.எஸ்.காரர்கள் வெடிகுண்டு தயார் செய்யும் தொழிற்சாலையில் விபத்து ஏற்பட்டு, வெடிகுண்டு வெடித்து பல ஆர்.எஸ்.எஸ்.காரர்கள் பலியானார்களே - அதற்குப் பெயர் என்னவாம்?

2006 ஜூலையில் மும்பை ரயில், 2007 பிப்ரவரியில் சம்ஜவ்தா எக்ஸ்பிரஸ் ரயில், அதே ஆண்டு மே திங்களில் அய்தராபாத் மெக்கா மஸ்ஜித், அக்டோபரில் அஜ்மீர் தர்கா ஷெரீஃப், 2008 ஜூலையில் அகமதாபாத், அதே ஆண்டு செப்டம்பரில் மாலேகான் குண்டுவெடிப்பு களில் எல்லாம் இஸ்லாமிய தீவிரவாதிகள்தான் சம்பந்தப்பட்டனர் என்ற புரளியைக் கிளப்பி அப்பாவி இஸ்லாமிய இளைஞர்கள் சித்திரவதைக்கு ஆளாக்கப் பட்டனரே!

அவையெல்லாம் முழுப் பொய் - இந்த வன் முறைகளின் பின்னணியில் இந்த சங் பரிவார்க் கும்பல்தான் இருந்துள்ளது என்று தக்க ஆதாரத் துடன் கண்டுபிடிக்கப்பட்ட நிலையில், பேராபத்துத் தலைக்குமேல் வந்தேவிட்டது என்ற அச்சத்தில் வீதிக்கு வந்து போராட ஆரம்பித்துள்ளனர். இந்த அச் சுறுத்தல்களைக் கண்டு மிரண்டு போகாமல் இந்தக் குற்றவாளிகளை நீதிமன்றத்தின் முன்னிறுத்தி உரிய தண்டனையைப் பெற்றுத்தர மத்திய அரசு மேலும் காலம் தாமதம் செய்யாமல் செயல்படவேண்டும். அதன்மூலமே வன்முறை சக்திகளின் ஆணிவேரை வீழ்த்த முடியும் என்பதைத் தெரிவித்துக் கொள்கிறோம்.
http://www.viduthalai.periyar.org.in/20101108/news06.html

கம்போடியாவில் இஸ்லாம் உயிர்த்தெழுகிறது

பாங்காக்,நவ.9:கமரூஷ் கம்யூனிஸ்டுகளின் பயங்கரவாத ஆட்சியில் தகர்ந்துபோன கம்போடியா முஸ்லிம் சமூகம் உயிர்தெழுந்துக் கொண்டிருக்கிறது.

சவூதிஅரேபியா, குவைத் போன்ற நாடுகளின் பொருளாதார உதவிகளின் காரணமாக பல பழைய மஸ்ஜிதுகள் புனர் நிர்மாணிக்கப்பட்டு வருகின்றன. மேலும் புதிய மஸ்ஜிதுகள் கட்டப்பட்டு வருகின்றன.

கமரூஷ் கம்யூனிஸ்டுகளின் ஆட்சிக் காலத்தில் ஏறத்தாழ ஒரு லட்சம் முஸ்லிம்கள் கொல்லப்பட்டிருந்தனர். சாம் என்ற பழங்குடி இனத்தை சார்ந்த முஸ்லிம்களில் 113 இமாம்களில் வெறும் 21 பேர் மட்டுமே மிஞ்சியிருந்தனர். 85 சதவீத மஸ்ஜிதுகள் தகர்க்கப்பட்டிருந்தன.

இவ்வேளையில், கம்போடியாவில் மீண்டும் இஸ்லாம் சக்திப் பெறுவதைக் குறித்து அமெரிக்கா கவலை தெரிவித்துள்ளது.

குவைத் நாட்டின் ஜம்மியத்துல் இஸ்லாஹும், சவூதி அரேபியாவின் ஜம்மியத்துல் இகாஸாவும் தீவிரவாத செயல்களுக்கு நிதியுதவி அளிப்பதாகவும், அவர்கள்தான் கம்போடியாவில் மஸ்ஜிதுகள் மற்றும் மதரஸாக்கள் நிர்மாணிக்க நிதியுதவி புரிவதாக அமெரிக்கா குற்றஞ்சாட்டுகிறது. ஆனால் இதனை கம்போடியா அரசு மறுத்துள்ளது.

ஸலஃபி அமைப்புகளும், தப்லீக் ஜமாத்தும்தான் கம்போடியாவில் புதிய சமூக விழிப்புணர்வுக்கு தலைமை வகிக்கி்ன்றனர்.

செய்தி:தேஜஸ் மாதமிருமுறை இதழ் ,பாலைவனத்தூது

உலக அமைதிக்காக இந்தியா-அமெரிக்கா இணைந்து பாடுபடும்: மன்மோகன் சிங்

புதுதில்லி, நவ.8- உலக அமைதிக்காக இந்தியாவும் அமெரி்க்காவும் இணைந்து ஆக்கப்பூர்வமாகவும் உறுதியாகவும் பாடுபடும் என்று பிரதமர் மன்மோகன் சிங் கூறினார்.

அமெரிக்க அதிபர் ஒபாமாவுடன் இன்று தில்லியில் செய்தியாளர்களுக்கு கூட்டாக பேட்டி அளித்தபோது பிரதமர் இவ்வாறு தெரிவித்தார்.

"இருதரப்பு உறவுகளை மேலும் பல்வேறு துறைகளுக்கு விரிவுபடுத்தவும், இருநாடுகளும் இணைந்து ஆப்பிரிக்கா மற்றும் ஆப்கானிஸ்தானில் கூட்டாக சில திட்டப் பணிகளை மேற்கொள்ளவும் முடிவு செய்யப்பட்டுள்ளது. அணுசக்தி வழங்கும் நாடுகள் குழுவில் (என்எஸ்ஜி) இந்தியா சேர அமெரிக்கா ஆதரவு தரும். தொழில்நுட்பம் மற்றும் தொழில்நுட்பக் கருவிகளை இந்தியாவுக்கு ஏற்றுமதி செய்வதற்கான கட்டுப்பாடுகளை விலக்க அமெரிக்கா முடிவு செய்துள்ளது வரவேற்கத்தக்கது." என்று பிரதமர் மன்மோகன் சிங் கூறினார்.

"இருநாடுகளும் பரஸ்பரம் வைத்துள்ள நம்பிக்கை மேலும் வலுப்பெறுவதை உறுதிபடுத்துவதற்கான அறிவிப்புதான் இந்த கூட்டுப் பேட்டி" என்றும் பிரதமர் குறிப்பிட்டார்.

ஐநா பாதுகாப்பு கவுன்சிலில் இந்தியா நிரந்தர உறுப்பினராக ஒபாமா ஆதரவு

புதுதில்லி, நவ.8- ஐநா பாதுகாப்பு கவுன்சிலில் நிரந்தர உறுப்பினராக அமெரிக்க அதிபர் ஒபாமா ஆதரவு தெரிவித்துள்ளார்.

நாடாளுமன்றத்தில் நேற்று அவர் உரையாற்றியபோது இதைத் தெரிவித்தார்.

அவர் பேசியதாவது:

100 கோடிக்கும் மேலான மக்களைக் கொண்ட உலகின் மிகப்பெரிய ஜனநாயக நாட்டின் மக்கள் பிரதிநிதிகள் முன்னிலையில் பேசும் வாய்ப்பு கிடைத்ததற்காக முதலில் எனது நன்றியைத் தெரிவித்துக் கொள்கிறேன்.

இந்தியாவின் பெரிய வளம் அதன் மக்கள்தான். இந்தியாவின் வெற்றிக்கு காரணம் ஜனநாயகமே. உலகத்தில் மாற்றம் கொண்டு வரும் வகையில் சர்வதேச சவால்களை எதிர்கொள்ள இருநாடுகளும் இணைந்து செயல்படும். இந்திய-அமெரிக்க நட்புறவு நீண்ட நாள் தொடரும்.

அமெரிக்காவும் இந்தியாவும் இருபெரும் ஜனநாயக நாடுகள். இருநாடுகளின் அரசியலமைப்புச் சட்டமும் "மக்களாகிய நாம்..." என்ற வார்த்தைகளுடன் தான் தொடங்குகிறது.

மும்பை தாக்குதலில் தொடர்புடையவர்கள் சட்டத்தின் முன்னால் தண்டிக்கப்பட வேண்டும்.

ஐநா பாதுகாப்பு கவுன்சிலில் சீர்திருத்தத்தை எதிர்பார்க்கிறேன். அதில், நிரந்தர உறுப்பினராக இந்தியா இருக்க வேண்டும். உலகில் இந்தியாவுக்கு உரிய இடம் வழங்கப்பட வேண்டும். ஐநா பாதுகாப்பு கவுன்சிலில் இந்தியா நிரந்தர உறுப்பினராக அமெரிக்கா முழு ஆதரவு வழங்கும்.

இவ்வாறு ஒபாமா தனது உரையில் குறிப்பிட்டார்.

ஒபாமா தனது உரையை முடிக்கும்போது "ஜெய் ஹிந்த்" என்று கூறி முடித்தார். பின்னர் தனது இருக்கையில் அமரும் முன் இந்திய பாணியில் இருகரம் கூப்பி வணக்கம் தெரிவித்தார்.

சவுதி அரேபியாவில் பத்வா உத்தரவை மீறி சூப்பர் மார்க்கெட்களில் பெண் கேஷியர்கள்

ஜெட்டா : சவுதி அரேபியாவில் மத அமைப்பு பிறப்பித்த "பத்வா' உத்தரவை மீறி, அந்நாட்டு சூப்பர் மார்க்கெட்களில் பெண் "கேஷியர்கள்' பணியமர்த்தப்பட்டுள்ளனர். வளைகுடா நாடான சவுதி அரேபியாவில், பெண்களுக்கு கடும் கட்டுப்பாடுகள் உண்டு. முஸ்லிம் பெண்கள், ஆண் பாதுகாவலரின் உதவியின்றி வெளியிடங்களுக்கு செல்லுவது மற்றும் இரு பாலினரும் ஒரே இடத்தில் பணியாற்றுவது போன்றவற்றுக்கு தடை விதிக்கப்பட்டுள்ளது. இது தொடர்பாக பத்வா உத்தரவும் பிறப்பிக்கப்பட்டுள்ளது. இருந்தாலும், இந்த உத்தரவுகளுக்கு ஏற்ற வகையில், பெண்களுக்கு வேலை வாய்ப்பு அளிக்கும் வகையில், சவுதி அரேபிய அரசு சில சட்டங்களை கொண்டு வந்துள்ளது.

இந்நிலையில், சவுதி அரேபிய அரசின் உயரிய மத அமைப்பு கடந்த ஞாயிறன்று "பத்வா' ஒன்றை பிறப்பித்தது. அதில், "கேஷியர் பணி, சம்பந்தம் இல்லாத ஆண்களுடன் சேர்ந்து வேலை செய்யும் பணி என்பதால், அந்தப் பணிக்கு பெண்களை நியமிக்கக் கூடாது' என, தெரிவித்தது. ஆனால், இந்த உத்தரவை மீறி ஜெட்டா நகரில் உள்ள,"மர்ஹபா ' குரூப் சூப்பர் மார்க்கெட்களில், பெண் "கேஷியர்'கள் பணியில் அமர்த்தப்பட்டுள்ளனர். அதே போல, சில ஜவுளிக் கடைகளிலும் பெண் "கேஷியர்'கள் பணிபுரிகின்றனர்.

இதுகுறித்து, மர்ஹபா நிறுவன அதிகாரிகள் கூறியதாவது: பெண்களை வேலைக்கு அமர்த்துவதற்கு, மூன்று மாதங்களுக்கு முன் தொழிலாளர் அமைச்சகம் அனுமதி அளித்துள்ளது. இந்த நடவடிக்கையை நிறுத்துமாறு அரசிடம் இருந்து எங்களுக்கு எந்த உத்தரவும் வரவில்லை. உத்தரவு வரும் வரை, தொடர்ந்து பெண்கள் பணிபுரிவர். எங்கள் அனைத்து கிளைகளிலும் 25க்கும் மேற்பட்ட பெண்கள் வேலை செய்கின்றனர். இவ்வாறு அதிகாரிகள் கூறினர். ஆனால், பத்வா உத்தரவு மீறப்படுவதற்கு, சில மதவாதிகள் எதிர்ப்பு தெரிவித்து வருகின்றனர்.

அயோத்தியில் மாநாடு நடத்த விஹெச்பி முடிவு

அயோத்தி, நவ.8- வரும் 19-ம் தேதி அயோத்தியில் மாநாடு ஒன்றை நடத்த விஸ்வ ஹிந்து பரிஷத் அமைப்பு முடிவு செய்துள்ளது.

இத்தகவலை அந்த அமைப்பின் தலைவர் ராம் மங்கள் தாஸ் ராமாயணி இன்று செய்தியாளர்களிடம் தெரிவித்தார்.

அயோத்தியில் நடைபெறும் மாநாட்டில் சுமார் 60 ஆயிரம் ராம பக்தர்கள் கலந்துகொள்வார்கள் என்றும் அவர் கூறினார்.

"இந்து மதத் தலைவர்களும் துறவிகளும் இடம்பெற்றுள்ளதாக கூறி அறக்கட்டளை ஒன்றின் மூலம் பாபர் மசூதியை கட்ட காங்கிரஸ் கட்சி திட்டமிட்டுள்ளது. மேலும், கட்டுமானப் பணியை ராகுல் மூலம் தொடங்கி வைக்கவும் திட்டமிட்டுள்ளனர். அதை நாங்கள் அனுமதிக்க மாட்டோம்." என்றும் ராம் மங்கள் தாஸ் தெரிவித்தார்.

தில்லியில் ஒபாமா: மன்மோகன் சிங் வரவேற்பு

புது தில்லி, நவ. 7: மூன்று நாள் அரசு முறைப் பயணமாக இந்தியா வந்துள்ள அமெரிக்க அதிபர் பராக் ஒபாமா, மும்பை பயணத்தை முடித்துக் கொண்டு ஞாயிற்றுக்கிழமை மதியம் புது தில்லி வந்து சேர்ந்தார்.
புது தில்லி விமான நிலையத்தில் அவருக்கு சிறப்பான வரவேற்பு அளிக்கப்பட்டது. மரபைப் புறக்கணித்து பிரதமர் மன்மோகன் சிங், புது தில்லி விமான நிலையத்தில் ஒபாமாவை நேரில் வரவேற்றார்.
மன்மோகன் சிங்குடன் வரவேற்பில் பங்கேற்ற அவரது மனைவி குருசரண் கெளருடனும் ஒபாமாவும், மிஷேலும் உரையாடினர்.
மத்திய இணை அமைச்சர் சல்மான் குர்ஷீத், அமெரிக்காவுக்கான இந்தியத் தூதர் மீரா சங்கர், வெளியுறவுத் துறைச் செயலர் நிருபமா ராவ் ஆகியோரும் ஒபாமா தம்பதியை வரவேற்றனர்.
ஹுமாயூன் சமாதியில் ஒபாமா: விமான நிலையத்தில் இருந்து ஒபாமா தம்பதி நேரடியாக தில்லியில் உள்ள சுமார் 450 ஆண்டுகள் பழமைவாய்ந்த ஹுமாயூன் சமாதியைப் பார்வையிடுவதற்காக சென்றனர்.
அவர்களுக்கு அதன் வரலாற்றுப் பின்னணி குறித்து இந்தியத் தொல்லியல் ஆய்வுத் துறை கண்காணிப்பு ஆய்வாளர் கே.கே.முகம்மது எடுத்துக் கூறினார்.
உள்ளே நுழைவதற்கு முன்னரே அந்த நினைவுச் சின்னத்தைப் பார்த்து ஒபாமா கூறிய வார்த்தை- "அற்புதம்'.
பெர்சியன், மத்திய ஆசிய, இந்திய கட்டடக் கலையின் சங்கமமாக விளங்கும் ஹுமாயூன் சமாதியை இருவரும் சுமார் 45 நிமிடம் பார்வையிட்டனர்.
தாஜ் மஹால் கட்டுவதற்கு இந்த நினைவுச் சின்னம்தான் உந்துதலாக இருந்தது என ஒபாமாவிடம் முகம்மது குறிப்பிட்டார்.
அங்கு பணிகள் மேற்கொள்ளும் தொழிலாளிகளின் குழந்தைகள் 14 பேருடன் ஒபாமா தம்பதியினர் பேசி மகிழ்ந்தனர். அவர்களுக்கு நினைவுப் பரிசுகளையும் வழங்கினர்.
'இந்த நினைவுச் சின்னம் மிகவும் அற்புதமாக உள்ளது. எங்கள் நாட்டில் 7 ஆண்டுகளுக்குள் இப்படி ஒரு சின்னம் கட்டப்பட முடியுமா என்பது சந்தேகமே' என ஒபாமா குறிப்பிட்டார்.
இந்தியாவுக்கு புகழாரம்: "அரசுகளின் எழுச்சி, வீழ்ச்சிக்கு இடையே, இந்தியப் பண்பாடு தாக்குப் பிடித்ததுடன் மட்டும் இல்லாமல் உலகையே சாதனையின் உச்சிக்கு இட்டுச் சென்றுள்ளது' என ஹுமாயூன் சமாதியில் உள்ள பார்வையாளர் புத்தகத்தில் ஒபாமா எழுதினார்.
இரு தலைவர்கள் பேச்சு: ஹுமாயூன் சமாதியைப் பார்வையிட்ட பின்னர், பிரதமர் மன்மோகன் சிங் இல்லத்தில் இரு தலைவர்களும் 25 நிமிடம் தனிப்பட்ட முறையில் பேசினர்.
மன்மோகன் சிங் விருந்து: அதன் பின்னர் பிரதமர் மன்மோகன் சிங் தனிப்பட்ட முறையில் அளித்த விருந்தில் ஒபாமா தம்பதியினர் பங்கேற்றனர்.
இன்று...: திங்கள்கிழமை காலை குடியரசுத் தலைவர் மாளிகையில் ஒபாமாவுக்கு முறைப்படி வரவேற்பு அளிக்கப்படுகிறது.
அதன் பின்னர் மகாத்மா காந்தியின் சமாதியில் ஒபாமா தம்பதியினர் அஞ்சலி செலுத்துகின்றனர்.
தில்லியில் உள்ள ஹைதராபாத் இல்லத்தில் இருதரப்பு பேச்சுவார்த்தை நடைபெறுகிறது.
இந்தப் பேச்சுக்குப் பின்னர் ஒபாமாவும், மன்மோகன் சிங்கும் கூட்டாகப் பத்திரிகையாளர்களை சந்திக்கின்றனர்.
குடியரசுத் துணைத் தலைவர் ஹமீத் அன்சாரி, மக்களவை எதிர்க்கட்சித் தலைவர் சுஷ்மா ஸ்வராஜ், காங்கிரஸ் தலைவர் சோனியா காந்தி ஆகியோர் ஒபாமாவை மதியம் சந்திக்க உள்ளனர்.
மாலையில் நாடாளுமன்றத்தின் கூட்டுக் கூட்டத்தில் ஒபாமா உரையாற்றுகிறார்.
2000-ம் ஆண்டில் அப்போதைய அமெரிக்க அதிபர் பில் கிளிண்டன் நாடாளுமன்ற கூட்டுக் கூட்டத்தில் உரையாற்றினார். அவருக்குப் பின் நாடாளுமன்ற கூட்டுக் கூட்டத்தில் உரையாற்ற உள்ள 2-வது அமெரிக்க அதிபர் ஒபாமா என்பது குறிப்பிடத்தக்கது. அதன் பின்னர் குடியரசுத் தலைவர் பிரதிபா பாட்டீல், ஒபாமாவுக்கு வரவேற்பு அளிக்க உள்ளார்.
அத்துடன் தனது இந்தியப் பயணத்தை முடித்துக் கொள்ளும் ஒபாமா, செவ்வாய்க்கிழமை காலை இந்தோனேசியாவுக்கு புறப்பட்டுச் செல்கிறார்.

உலகின் தலைசிறந்த 10 பேரில் மதுரை இளைஞர் : 12 லட்சம் பேருக்கு உணவு தந்ததற்கு கவுரவம்

மதுரை : ஆதரவற்ற, மனநலம் பாதித்தவர்களுக்கு 2002 முதல் இதுவரை தினமும் மூன்று வேளை உணவு அளித்து வரும் மதுரை டோக் நகரைச் சேர்ந்த நாராயணன் கிருஷ்ணனை(29), உலகின் தலைசிறந்த 10 "ரியல் ஹீரோக்களில்' ஒருவராக சி.என்.என்., வெப்சைட் தேர்வு செய்துள்ளது.

நட்சத்திர ஓட்டலில் வேலை பார்த்த, விருதுகள் வென்ற செப் சமையல் கலைஞரான இவர், 2002ல் சுவிட்சர்லாந்து ஓட்டல் நிறுவனத்தில் வேலை கிடைத்தவுடன் அங்கு செல்வதற்காக மதுரை ரயில்வே ஸ்டேஷன் வந்தார். அங்கே முதியவர் ஒருவர் உணவுக்கு போராடும் அவலத்தை கண்டு அதிர்ச்சி அடைந்தார். வெளிநாட்டு வேலையை துறந்து மதுரையிலேயே தங்கி, வீட்டில் சமைத்து, இது போன்ற மனிதர்களை தேடிச் சென்று உணவு கொடுக்க ஆரம்பித்தார். இதுவரை 12 லட்சம்  பேருக்கு தினமும் காலை, மதியம், இரவு என உணவு வழங்கி வருகிறார். இதற்காக "அக்ஷயா டிரஸ்ட்' என்ற அமைப்பையும் "ஸ்பான்சர்கள்' உதவியுடன் நடத்தி வருகிறார். மதுரையை சுற்றி கண்ணில் படும் இதுபோன்ற மனிதர்களை தேடிப்பிடித்து உணவு தருகிறார். இதற்காக தனது வாழ்கையை முழுமையாக அர்ப்பணித்துள்ள இவர், சி.என்.என். வெப்சைட்டால், உலகின் தலை சிறந்த 10 ரியல் ஹீரோக்களில் ஒருவராக தேர்ந்தெடுக்கப்பட்டுள்ளார்.

குர்ஆன், பைபிளை எரிக்க முயன்ற பயங்கரவாதிகள் கைது

இந்து மத வலதுசாரி பயங்கரவாதிகள் மூவர் நேற்று தீபாவளி தினத்தன்று  இரவு புனித நூல்களான குர்ஆன், பைபிள் ஆகியவற்றை பகிரங்கமாக எரித்து சாம்பலாக்க திட்டமிட்டு அறிவித்திருந்தனர். சுவிட்சர்லாந்தில் வாழும் இவர்கள் பின்னர் கைது செய்யப்பட்டனர்.

புனித நூல்களை எரிக்கும் அறிவிப்பைத் தொடர்ந்து அங்கு பெரும் பரபரப்பும், பதற்றமும் ஏற்பட்டது. தகவல் அறிந்து வந்த காவல்துறையினர் இம்மூவரையும் கைது செய்து நீதிமன்றத்தில்  முன்னிலைப்படுத்தினர்.

இம்மூவரில் பிரதானக் குற்றவாளியான  நாற்பத்திரண்டு வயதான டேட்டுஸ் பனகல் லியோ  என்பவர்  இனங் காணப்பட்டுள்ளார்.இவர்   கடந்த எட்டு வருடங்களாக சுவிட்ச்சர்லாந்தில் வசித்து வருகின்றார். நீதி மன்றத்தில் இவர் வாதிடுகையில்  குர்ஆன், பைபிள் இரண்டும் தீய சக்தியான சாத்தானின்  இரு கண்கள் மாதிரி, இந்நூல்களை குழந்தைகள் படிப்பதை தாம் விரும்பவில்லை  என்று கூறி இருக்கின்றார்.

மத மோதல்களுக்கு இடங் கொடாத சுவிஸ்சில் இவர்கள் குற்றவாளி என்று அறியப்பட்டால் நாடு கடத்தப்படுவார்கள் என்பது குறிப்பிடத்தக்கது.

மரபுகளை உடைத்து ஒபாமாவை விமான நிலையத்தில் வரவேற்ற மன்மோகன்

டெல்லி: இரண்டு நாள் மும்பை பயணத்தை முடித்துக் கொண்டு அமெரிக்க அதிபர் பராக் ஒபாமா இன்று பிற்பகலில் டெல்லி வந்தார்.

மரபுகளை எல்லாம் உடைந்தெறிந்துவிட்டு அவரை பிரதமர் மன்மோகன் சிங் டெல்லி பாலம் விமான நிலையத்தில் நேரில் வந்து வரவேற்றார்.

நேற்று முன் தினம் மும்பை வந்த ஒபாமா அங்கு பல்வேறு நிகழ்ச்சிகளில் கலந்து கொண்டுவிட்டு, இன்று தனது மனைவி மிஷேல் மற்றும் குழந்தைகளுடன் டெல்லி வந்தார்.

அவரை பிரதமர் மன்மோகன் சிங் தனது மனைவி குருசரன் சி்ங்குயுடன் வந்து விமான நிலையத்தில் வரவேற்றார். வழக்கமாக வெளிநாட்டுத் தலைவர்களை விமான நிலையத்தில் பிரதமர் வரவேற்பது இல்லை.

ஆனால், ஒபாமாவுக்காக அந்த மரபை உடைத்துவிட்டு வந்தார் பிரதமர்.

இன்றிரவு தனது இல்லத்தி்ல ஒபாமா குடும்பத்தினருக்கு விருந்தளிக்கிறார் மன்மோகன் சிங்

இஸ்லாத்தின் கோட்பாடுகளை விட்டு விலகிச் சென்றுவிட்ட தீவிரவாதிகள்-ஒபாமா

மும்பை: ஜிகாத் என்ற வார்த்தைக்கு தீவிரவாதிகள் பல்வேறு அர்த்தங்களைக் கொடுத்துக் கொண்டு அதை தங்களுக்கு சாதமாக பயன்படுத்துகின்றனர். இஸ்லாம் என்ற புனிதமான மதத்தின் அடிப்படைக் கோட்பாடுகளை விட்டு தீவிரவாதிகள் விலகிச் சென்றுவிட்டனர் என்று அமெரிக்க அதிபர் பராக் ஒபாமா கூறினார்.

மும்பையில் புனித சேவியர் கல்லூரி மாணவ, மாணவிகளிடையே இன்று ஒபாமா உரையாற்றினார். பின்னர் மாணவர்கள் கேட்ட பல கேள்விகளுக்கு ஒபாமா பதிலளித்தார்.

அவர் கூறுகையில், இந்தியா வளர்ந்து வரும் தேசம் என்கிறார்கள். இதை நான் மறுக்கிறேன். இந்தியா ஒரு வளர்ந்து விட்ட தேசம் தான். உலக விவகாரங்களில் இந்தியாவின் பங்கு அதிகரித்துள்ளது.

இந்தியாவின் பொருளாதார வளர்ச்சி உலக நாடுகளை அதிசயிக்க வைத்துள்ளது. வறுமையையும் தீவிரவாதத்தையும் ஒழித்துக் கட்டும் தகுதியும் பலமும் இந்தியாவிடம் உள்ளது.

இந்திய-அமெரிக்க உறவு என்பது இந்த நேரத்தில் மிக மிக அவசியமானது. உலகின் பல்வேறு விவகாரங்களில் இந்தியாவுக்கும் அமெரிக்காவுக்கும் ஒத்த கருத்து நிலவுகிறது என்றார்.

பின்னர் ஜிகாத் குறித்து ஒரு மாணவர் எழுப்பி கேள்விக்கு பதிலளித்த ஒபாமா, ஜிகாத் என்ற வார்த்தைக்கு தீவிரவாதிகள் பல்வேறு அர்த்தங்களைக் கொடுத்துக் கொண்டு அதை தங்களுக்கு சாதமாக பயன்படுத்துகின்றனர். இஸ்லாம் என்ற புனிதமான மதத்தின் அடிப்படைக் கோட்பாடுகளை விட்டு தீவிரவாதிகள் விலகிச் சென்றுவிட்டனர் என்பதே உண்மை. அவர்களை ஒடுக்குவது நம் முன் உள்ள பெரிய சவால்.

அனைவருமே உலகின் எல்லா மதங்களையும் மதித்து நடக்க வேண்டும். பெரும்பான்மையான இஸ்லாமியர்கள் அமைதியையும் நியாயத்தையும் நேர்மையையும் விரும்புபவர்கள். அவர்கள் அதீத சகிப்புத்தன்மை கொண்டவர்கள் தான் என்றார்.

மும்பைத் தீவிரவாதத் தாக்குதலில் பாகிஸ்தானின் பங்கு குறித்து நேற்று எந்தக் கருத்தையும் தெரிவிக்காத ஒபாமாவிடம், ஒரு மாணவி கேள்வி எழுப்புகையில், தீவிரவாதத்தை ஒடுக்க பாகிஸ்தான் தவறிவிட்டதை சுட்டிக் காட்டினார். இந்தக் கேள்விக்கு பதிலளித்த ஒபாமா,

தீவிரவாதத்தை ஒடுக்குவதில் எவ்வளவு வேகம் காட்ட வேண்டும் என்று நாம் விரும்புகிறோமோ அந்த வேகம் பாகிஸ்தானிடம் இல்லை. தீவிரவத்தை பாகிஸ்தான் இன்னும் வேகம் கொண்டு ஒடுக்க வேண்டும். அதற்கு நாம் அனைவரும் துணை நிற்க வேண்டும்.

இந்தியா-பாகிஸ்தான் இடையே பரஸ்பர நம்பிக்கை அதிகரித்து இரு நாடுகளும் அனைத்துப் பிரச்சனைகளையும் பேசித் தீர்க்க வேண்டும். இரு நாடுகளுமே இணைந்து வளர்ச்சி பெற முடியும். இதில் அமெரிக்காவுக்கும் உதவ முடியும். ஆனால், எங்களது கருத்தை எந்த நாடு மீதும் திணிக்க மாட்டோம்.

ஆப்கானி்ஸ்தானிலும் அமைதியைத் திரும்பச் செய்து அந்த தேசத்தை ஸ்திரமுள்ளதாக்குவதும் சாத்தியம் தான் என்றார்.

முன்னதாக மாணவர்களுடன் கலந்துரையாடலுக்கு ஒபாமா தயாரானபோது மைக்கைப் பிடித்த அவரது மனைவி மிஷேல், குழந்தைகளே, ஒபாமாவிடம் மிகக் கடினமான கேள்விகளைக் கேளுங்கள் என்றார்

தீவிரவாதத்தை ஒடுக்க இந்தியாவுடன் அமெரிக்கா இணைந்து செயல்படும்-ஒபாமா

மும்பை: தீவிரவாதத்தை ஒடுக்க இந்தியாவுடன் அமெரிக்கா இணைந்து செயல்படும் என்று அமெரிக்க அதிபர் பராக் ஒபாமா கூறினார்.

மும்பை வந்துள்ள பராக் ஒபாமாவும், அவரது மனைவி மிஷேலும் தாஜ் ஹோட்டலில் வைக்கப்பட்டிருந்த மும்பை தாக்குதல் நினைவு புத்தகத்தில் கையெழுத்திட்டனர்.

பின்னர் மும்பை தாக்குதலில் பலியானவர்களுக்கு அஞ்சலி செலு்த்தும் நிகழ்ச்சியில் பேசிய ஒபாமா, நான் மும்பைக்கு வந்ததற்கும், தாஜ் ஹோட்டலில் தங்குவதற்கும் காரணம் இருக்கிறது.

கடந்த 2008ம் ஆண்டு நவம்பர் 26ம் தேதி மும்பையில் தீவிரவாதிகள் நடத்திய தாக்குதலில் பாதிக்கப்பட்ட இடங்களில் இந்த ஹோட்டலும் ஒன்று. அந்தத் தாக்குதலை நாம் என்றும் மறக்க முடியாது.

ஆனால், அந்தத் தாக்குதலை இந்திய மக்கள் மிகுந்த மன பலத்துடன் எதிர்கொண்டனர். அந்தக் கொலையாளிகளிடம் மக்கள் பணிந்துவிடவில்லை.

அந்தத் தாக்குதலுக்கு அடுத்த நாளிலேயே மும்பை நகரம் இயல்பு நிலைக்குத் திரும்பியது. தாக்குதலால் முடங்கிவிடாமல் ஸ்கூட்டர்களிலும் ரயில்களிலும் பணிக்குச் செல்வோர் தங்கள் பணிகளை உடனே தொடங்கினர். தாஜ் ஹோட்டலும் அடுத்த ஒரே மாதத்தில் மீண்டும் விருந்தினர்களை அனுமதிக்க ஆரம்பித்தது.

ஹோட்டல் முடங்கிவிடாமல் மீண்டும் எழுச்சி கொண்டு நின்றது. அதே போல மும்பையும் இந்த மாபெரும் தேசமும் தனது இயல்பு வாழ்க்கைக்கு உடனே திரும்பின. அது இந்திய மக்களின் பலத்தை வெளிக்காட்டியது.

தீவிரவாதத்தை ஒடுக்க இந்தியாவுடன் அமெரிக்கா இணைந்து செயல்படும். மும்பை போன்ற மற்‌‌றொரு தாக்குதல் நடந்துவிடாமல் தடுக்க இரு நாடுகளும் தேவையான உளவு ரகசியங்களை பகிர்ந்து வருகிறோம் என்றார்.

மகா. முதல்வரிடம் வருத்தம் தெரிவித்த யுஎஸ் தூதரகம்:

ஒபாமாவின் வருகையை முன்னிட்டு பாதுகாப்பு கெடுபிடிகள் மிக அதிகமாக உள்ளன.

ஒபாமாவை வரவேற்கும் நிகழ்ச்சியில் பங்கேற்க மகாராஷ்ட்டிர முதல்வர் அசோக் சவாணுக்கும் துணை முதல்வர் சகன் புஜ்பால், உள்துறை அமைச்சர் ஆர்.ஆர்.பாட்டீல் ஆகியோருக்கும் பல கட்டுப்பாடுகள் விதிக்கப்பட்டன.

அவர்களுக்கு பாஸ் வழங்க, அவர்களது அட்ரஸ் புரூப், அடையாள அட்டை நகல், போட்டோ, பேன்கார்டு எண், பாஸ்போர்ட் எண் எல்லாம் கோரப்பட்டது. மேலும் இவர்களுக்கு முறைப்படியான அழைப்பும் நேற்று மாலை வரை வரவில்லை.

இதையடுத்து ஒபாமா பங்கேற்கும் நிகழ்ச்சியை புறக்கணிக்கப் போவதாக அவர்கள் எச்சரித்தனர்.

இதையடுத்து நேற்றிரவு அமெரிக்கத் தூதரம் அவர்களிடம் மன்னிப்பு கேட்டது. மேலும் நேற்றிரவில் அமெரிக்கத் தூதரகம் அழைப்பிதழ்களையும் தந்தது.

இதைத் தொடர்ந்து இன்று ஒபாமாவை, மகாராஷ்டிர முதல்வர் அசோக் சவாண் மகாராஷ்டிராவின் வரலாறு, பண்பாடு அடங்கிய புததகத்தை நினைவுப் பரிசாக வழங்கி வரவேற்றார். ஆனால் உள்துறை அமைச்சர் பாட்டில் நிகழ்ச்சியை புறக்கணித்துவிட்டு ஊருக்குச் சென்றுவிட்டார்.

ஒபாமா முதல் முறையாக இந்தியா வருகை:

டெல்லி: அமெரிக்க அதிபர் பராக் ஒபாமா நான்கு நாள் பயணமாக இன்று மும்பை வந்தார்.

முதல் முறையாக இந்தியா வரும் ஒபாமாவுக்கு, மும்பை நகர் வரலாற்றில் இதுவரை இல்லாத அளவிற்கு மிக பலத்த பாதுகாப்பு ஏற்பாடுகள் செய்யப்பட்டுள்ளன.

அவர் தங்கும் மும்பை தாஜ் ஹோட்டல் மற்றும் அருகே உள்ள கேட் வே ஆப் இந்தியா பகுதியில் ஆயிரக்கணக்கான போலீசார் குவிக்கப்பட்டுள்ளனர்.

நேற்றிரவு, வாஷிங்டன் ஆன்ட்ரூஸ் விமானப்படை தளத்திலிருந்து ஏர்போர்ஸ் ஒன் விமானத்தில் தனது மனைவி மிஷெல், இரு மகள்கள், மூத்த அமைச்சர்கள், அதிகாரிகள், தேசிய பாதுகாப்பு ஆலோசகர் ஆகியோருடன் இந்தியா புறப்பட்டார் ஒபாமா.

வழியில் ஜெர்மனியில் அவரது விமானம், எரிபொருள் நிரப்புவதற்காக தரையிறங்கியது.

இன்று பகல் 1 மணிக்கு மும்பை விமான நிலையம் வந்தடைந்த ஒபாமாவுக்கு மிகச் சிறப்பான வரவேற்பு அளிக்கப்பட்டது. இதையடுத்து அங்கிருந்து ஹெலிகாப்டரில் கொலபா கடற்படைத் தளத்துக்குச் சென்ற ஒபாமா அங்கிருந்து காரில் தாஜ் ஹோட்டல் சென்றார்.

அவரது வருகையையொட்டி மும்பையில் மிக பலத்த பாதுகாப்பு ஏற்பாடுகள் செய்யப்பட்டுள்ளன.

மும்பையில் இரண்டு நாட்கள் ஒபாமா தங்கியிருப்பதால் சத்ரபதி சிவாஜி மார்க், ஆதம் தெரு, பூஷன் மார்க், ராம்சந்தானி மார்க், நவரோஜி பர்துன்ஜி ரோடு, பெஸ்ட் மார்க் உள்ளிட்ட பகுதிகளில் போக்குவரத்துக்கு தடை விதிக்கப்பட்டுள்ளது.

மும்பை தாக்குதலில் காயமடைந்தோருடன் சந்திப்பு:

மும்பையில் நடந்த தீவிரவாதத் தாக்குதலின்போது தாஜ் ஹோட்டலில் காயமடைந்தவர்களை ஒபாமா சந்தித்தார்.

காஷ்மீரிலும் பலத்த பாதுகாப்பு:

அமெரிக்க அதிபரின் வருகையி்ன்போது காஷ்மீரில் தீவிரவாத செயல்கள் அதிகரிக்கலாம் என்பதால் அங்கும் மிக பலத்த பாதுகாப்பு ஏற்பாடுகள் செய்யப்பட்டுள்ளன.

இந்தியாவால் அமெரிக்காவில் 60,000 புதிய வேலைகள்:

இந்தப் பயணத்தின்போது இந்தியா-அமெரிக்கா இடையே பாதுகாப்புத்துறையிலும், அணு சக்தி்த் துறையிலும் மிக முக்கிய ஒப்பந்தங்கள் கையெழுத்தாக உள்ளன. 12 பில்லியன் டாலர் அளவுக்கான இந்த ஒப்பந்தங்கள் மூலம் அந்த நாட்டிடமிருந்து இந்தியா போர் விமானங்கள் உள்ளிட்ட ஏராளமான ஆயுதங்களை வாங்கவுள்ளது.

மேலும் அந் நாட்டின் எரிசக்தித் துறை நிறுவனங்கள் இந்தியாவில் அணு உலைகளை அமைக்கவுள்ளன.

இதனால் அமெரிக்காவில் புதிதாக 60,000 வேலைவாய்ப்புகள் உருவாகும் என்று தெரிகிறது.

அதே நேரத்தில் அவுட்சோர்சிங் விவகாரத்தில் இந்தியாவுக்கு பணிகளை ஏற்றுமதி செய்வதை ஒபாமா கடுமையாக எதிர்த்து வருவது குறிப்பிடத்தக்கது. இந்தப் பிரச்சனையை ஒபாமாவிடம் கிளப்ப இந்தியா திட்டமிட்டுள்ளது. ஆனால், இந்த விவகாரத்துக்கு இந்தப் பயணத்தின்போது தீர்வு ஏதும் கிடைப்பது சந்தேகமே.

  Read:  In English 

அமெரிக்காவில் செனட் சபைக்கு நடந்த இடைத் தேர்தலில் ஒபாமாவுக்கு பலத்த அடி விழுந்து, எதிர்க் கட்சியான குடியரசுக் கட்சி பெரும் வெற்றி பெற்றுள்ளது. இதற்கு அமெரிக்காவில் நிலவும் பொருளாதாரத் தேக்கமும் வேலைவாய்ப்பின்மையுமே முக்கிய காரணங்களாகக் கருதப்படுகின்றன. இதனால் அவுட்சோர்சிங் விவகாரத்தில் இந்தியாவுக்கு ஒபாமா சலுகை ஏதும் காட்ட வாய்ப்பில்லை.

ஒபாமாவுடன் உயர்மட்ட பிரதிநிதிகள், வெள்ளை மாளிகை அதிகாரிகள், தொழிலதிபர்கள், பத்திரிகையாளர்கள் என சுமார் 3,000 பேர் பல விமானங்களில் வந்துள்ளனர்.

ஈராக் மீதான போர்: ஜார்ஜ் புஷ் வருத்தம்

வாஷிங்டன்: ஈராக் மீது போர் தொடுத்தது தவறு என்று அமெரிக்க முன்னாள் அதிகபர் ஜார்ஜ் புஷ் வருத்தம் தெரிவித்துள்ளார். புஷ், டெசிஷன் பாய்ண்ட்ஸ் என்ற பெயரில் தன்னுடைய சுயசரிததைய புத்தகமாக எழுதி இருக்கிறார். இப்புத்தகம் அடுத்தவாரம் வெளிவர உள்ளது. இதில் பல்வேறு தகவல்களை வெளியிட்டுள்ளார். அதில் ஈராக் மீதான போர் குறித்தும் எழுதியுள்ளார். அந்நாட்டின் மீது போர் தொடுத்தது, நான் செய்த தவறு என்று அந்த புத்தகத்தில் குறிப்பிட்டுள்ளார்.

நடு வானில் வெடித்த விமான என்ஜின்-சிங்கப்பூரில் தரையிறங்கிய ஆஸி. விமானம்

சிங்கப்பூர்: சிங்கப்பூரில் இருந்து ஆஸ்திரேலியாவுக்குச் சென்று கொண்டிருந்த ஆஸ்திரேலியாவி்ன் குவாண்டாஸ் நிறுவனத்தின் ஏ-380 ரக ஏர்பஸ் சூப்பர் ஜம்போ விமானத்தின் என்ஜின் நடு வானில் வெடித்துச் சிதறியது. இதையடுத்து அந்த விமானம் மீண்டும் சிங்கப்பூர் விமான நிலையத்தில் அவசரமாக தரையிறக்கப்பட்டது.​

இதைத் தொடர்ந்து அனைத்து ஏ-380 ரக ஏர்பஸ் விமானங்களையும் ஆஸ்திரேலியா தரையிறக்கிவிட்டது.

நேற்று சிட்னிக்கு புறப்பட்ட இந்த இரட்டை அடுக்கு விமானத்தில் 4 என்ஜின்கள் உள்ளன.​ அதில் 433 பயணிகளும் 26 விமானப் பணியாளர்களும் பயணித்தனர்.

கிளம்பிய 6வது நிமிடத்தல் இந்த விமானம் ஒரு தீவின் மீது பறந்து கொண்டிருந்த போது இடது பக்கத்தில் உள்ள ஒரு என்ஜினில் கோளாறு ஏற்பட்டது. சிறிது நேரத்தில் அந்த என்ஜின் வெடித்தது. இதையடுத்து பைலட் உடனடியாக விமானத்தை தரையிறக்க மீண்டும் சிங்கப்பூருக்கு திருப்பினார்.​

அந்த விமானம் பத்திரமாக சிங்கப்பூர் விமான நிலையத்தில் தரையிறங்கியது.​ ஒரு என்ஜின் முழுவதும் கருகிவிட்டது. அது வெடித்துச் சிதறியதில் அதன் பல பாகங்களைக் காணவில்லை.

இதற்கிடையே அந்த விமானம் பறந்து சென்ற இந்தோனேசியாவின் பாதம் தீவுப் பகுதியில் வசிக்கும் மக்கள்,​​ விமானம் பறந்தபோது மிகப் பெரிய வெடிச் சத்தம் கேட்டதாகக் கூறியுள்ளனர். பாதம் தீவு சிங்கப்பூருக்கு அருகில் உள்ள இந்தோனேசிய பகுதி என்பது குறிப்பிடத்தக்கது.

பாதம் தீவில் குடியிருப்பு பகுதிகளிலும் வணிக வளாகங்களிலும் என்ஜின் பாகங்கள் விழுந்துள்ளன.​

இதையடுத்து விசாரணைக்கு உத்தரவிட்டுள்ள ஆஸ்திரேலிய அரசு, அந்த அறிக்கை வரும் வரை அனைத்து ஏ-380 ரக விமானங்களையும் பயன்பாட்டில் இருந்து தாற்காலிகமாக நிறுத்தி வைக்க உத்தரவிட்டுள்ளது.

  Read:  In English 

சிங்கப்பூர் ஏர்லைன்சுக்கு செந்தமான ஏ-380 ரக விமானம் கடந்த 2007ம் ஆண்டும், ஏர் பிரான்ஸ் நிறுவனத்துக்குச் சொந்தமான ஏ-380 ரக விமானம் சென்ற ஆண்டும் நடு வானில் என்ஜின் கோளாறு ஏற்பட்டு தரையிறக்கப்பட்டன என்பது குறிப்பிடத்தக்கது.

இந்த விமானத்தில் ரோல்ஸ்ராய்ஸ் நிறுவன என்ஜின்கள் தான் பயன்படுத்தப்படுகின்றன.

ஈராக் கிறிஸ்தவர்கள் மீது தொடர்ந்து தாக்குவோம்: அல்கொய்தா மிரட்டல்

திரைப்படம்

பாக்தாத், நவ. 4-

ஈராக் தலைநகரம் பாக்தாத்தில் உள்ள கிறிஸ்தவ ஆலயத்தில் தீவிரவாதிகள் புகுந்து திடீர் தாக்குதல் நடத்தினார்கள். ஆலயத்துக்கு வந்திருந்தவர்களை அவர்கள் பணய கைதிகளாக பிடித்து வைத்து இருந்தனர். அமெரிக்க ராணுவம் மற்றும் ஈராக் போலீசார் அவர்கள் மீது தாக்குதல் நடத்தி மீட்கும் முயற்சியில் ஈடுபட்டனர். இதில் 58 கிறிஸ்தவர்கள் கொல்லப்பட்டனர். தீவிரவாதிகளும் உயிர் இழந்தனர்.

இந்த தாக்குதலை தொடர்ந்து அல்கொய்தா தீவிரவாதிகள் இணைய தளம் மூலம் ஒரு மிரட்டல் விடுத்துள்ளனர். அதில் கூறியிருப்பதாவது:-

ஈராக்கில் எகிப்தைச் சேர்ந்த காப்ட் கிறிஸ்தவ சபை முஸ்லிம்களை கிறிஸ்தவர்களாக மாற்றி வருகிறது. குறிப்பாக பெண்களை கிறிஸ்தவர்களாக மாற்றி வருகிறார்கள். இதற்காகவே தாக்குதல் நடத்தினோம்.

முஸ்லிம்களை கிறிஸ்தவ மதத்துக்கு மாற்றுவதை நிறுத்த வேண்டும். மேலும் கிறிஸ்தவர்களாக மாற்றி தங்கள் பிடியில் வைத்துள்ள அனைவரையும் விடுவிக்க வேண்டும்.

இல்லை என்றால் ஈராக்கில் உள்ள அனைத்து கிறிஸ்தவ ஆலயங்கள் மற்றும் அவர்களது அமைப்பு கள் மீது இது தொடர்ந்து தாக்குதல் நடத்துவோம். அவர்கள் எங்கு பயணம் செய்தாலும் அங்கும் தாக்குதல் நடத்துவோம். அவர்கள் ரத்த ஆறுகளை சந்திக்க வேண்டியது இருக்கும்.

இவ்வாறு அதில் கூறப்பட்டுள்ளது.

துபாயில் அதிக சொத்து முதலீடு செய்வதில் இந்தியர்கள் முதலிடம்

உலக பொருளாதார நெருக்கடியில் பின்தங்கிய துபாய், இந்தியர்களுக்கு சாதகமாக அமைந்துள்ளது. இதுவரை ஐரோப்பியர் ஆதிக்கம் செய்து வந்த நிலை மாறி அங்கு இந்தியர்கள் வளர்ச்சி அடைந்து வருகின்றனர்.

முக்கியமாக இந்தியர்களுக்கு வேலை வாய்ப்பை வழங்கும் நாடாக மட்டும் இல்லாமல் துபாய் இந்திய நிறுவனங்களுக்கும், முதலீட்டார்களுக்கும் சிறந்த இடமாக மாற தொடங்கியுள்ளது. சீனாவிடம் போட்டி போட்டு கொண்டு வரும் இந்தியா சீனாவை போலவே துபாயில் தனது உற்பத்தி பொருட்களை ஏற்றுமதி செய்யவும், உலக சந்தையில் விற்பனை செய்வத்ற்கும் சிறந்த இடமாக துபாயை கருதுகிறது.

ராகுல், அருந்ததி மீது வழக்கு

ராஞ்சி : ஜார்க்கண்ட் மாநிலத் தலைநகர் ராஞ்சியைச் சேர்ந்த ஆர்.எஸ்.எஸ்., தொண்டர் ஒருவர், காங்கிரஸ் பொதுச் செயலர் ராகுல் மற்றும் சமூக ஆர்வலர் அருந்ததி ராய் ஆகியோருக்கு எதிராக வழக்கு பதிவு செய்துள்ளார். ராஞ்சியைச் சேர்ந்த ஆஷிஷ் சிங், ஆர்.எஸ்.எஸ்., தொண்டர். "சிமி'யைப் போல, ஆர்.எஸ்.எஸ்., ஒரு பயங்கரவாத அமைப்பு என்று, காங்., பொதுச் செயலர் ராகுல் விமர்சித்ததால், அவர் மீதும், காஷ்மீர் விவகாரத்தில் இந்திய ஒருமைப்பாட்டுக்கு எதிராக அருந்ததி ராய் பேசியிருப்பதால், இந்தியத் தண்டனைச் சட்டப் பிரிவு 124 ஏ பிரிவின் கீழ் அவர் மீதும், ராஞ்சி நகர, ஜுடிஷியல் மாஜிஸ்திரேட் கோர்ட்டில், ஆஷிஷ் சிங் வழக்கு பதிவு செய்துள்ளார்

அருந்ததிராய் இல்லம் தாக்கப்பட்டது.(வீடியோ இணைப்பு)

பாரதிய ஜனதா கட்சியின் மகளிரணி குண்டகிகளால் மக்கள் போராளியும் எழுத்தாளருமான அருந்ததிராய் இல்லம் தாக்கப்பட்டது