பாலஸ்தீன அமைச்சரவை திடீர் ராஜினாமா

ரமல்லா, பிப். 15 பிரதமர் சலாம் பயாத் தலைமையிலான பாலஸ்தீன அமைச்சரவை திடீரென இன்று ராஜிநாமா செய்தது. தனது அமைச்சரவையின் பதவி விலகல் கடிதத்தை அதிபர் மெக்மூத் அப்பாஸிடம் பயாத் நேற்று காலை வழங்கினார்.வெஸ்ட் பேங்க் பகுதியில் உள்ள ரமல்லா நகரில் நேற்று அதிகாலை நடந்த அமைச்சரவைக் கூட்டத்தில் இந்த ராஜினாமா முடிவு எடுக்கப்பட்டது. வரும் செப்டம்பர் மாதம் பாலஸ்தீனத்தில் அதிபர் தேர்தலும் நாடாளுமன்றத் தேர்தலும் 

காதலர் தின எதிர்ப்பை கைவிட்டது சிவசேனை

மும்பை, பிப். 15- காதலர் தின எதிர்ப்பை சிவசேனை கைவிட்டுவிட்டது.காதலர் தின கொண்டாட்டத்தை கடந்த சில ஆண்டுகளாக கடுமையாக எதிர்த்த சிவசேனை கட்சி, இந்த ஆண்டு அத்தகைய எதிர்ப்பைக் கைவிட்டதாக அதன் இளைஞர் பிரிவு தலைவர் ஆதித்யா தெரிவித்தார். இவர் சிவசேனை தலைவர் பால் தாக்கரேயின் பேரனாவார். தேர்தலில் இளம் தலைமுறையைக் கவர்வதற்காக காதலர் தின எதிர்ப்பைக் கைவிட்டுவிட்டதாகத் தெரிகிறது.

புதுப்பட்டிணத்தில் இந்து முன்னணியினர் நடத்திய கலவரம்!! உண்மை செய்திகள்!!

பட்டுக்கோட்டை,பிப்.14:புதுப்பட்டினம் என்ற சிற்றூரில் ஜனவரி 28-ம் தேதியன்று இந்து முன்னனி சார்பில் அவ்வமைப்பின் கொடி ஒன்று பேருந்து நிலையம் அருகில் ஊன்றப்பட்டுள்ளது. பிப்.8 அன்று யாரோ விசக்கிருமிகள் அக்கொடியினை அறுத்து இருக்கின்றனர். இதை முஸ்லிம்கள் தான் செய்ததாக கூறி 8 முஸ்லிம்களின் பெயரை கூறி சேதுபாவாசத்திரம் காவல் நிலையத்தில் புகார் கொடுத்தனர் இந்து முன்னணியினர்.

பாபர் மசூதி வழக்கில் உச்ச நீதிமன்றத்தை அணுகுகிறார் ஹஷிம் அன்சாரி!!!

லக்னெள, பிப்.13: அயோத்தி வழக்கில் உயர்நீதிமன்றத்தின் தீர்ப்பை எதிர்த்து உச்சநீதிமன்றத்தில் மேல்முறையீடு செய்ய முடிவுசெய்திருப்பதாக அந்த வழக்கைத் தொடர்ந்த ஹஷிம் அன்சாரி தெரிவித்தார். இந்த வழக்கில் நீதிமன்றத்துக்கு வெளியே தீர்வுகாண தாம் மேற்கொண்ட முயற்சிகள் தோல்வி அடைந்ததால் இந்த முடிவை எடுத்திருப்பதாக அவர் கூறினார். பாபர் மசூதி தீர்ப்பு காரணமாக தேசத்துக்கு எந்த இழப்பும் ஏற்படுவதை நான் ஒருபோதும் விரும்பியதில்லை. ஆனால் எதிர் அணியில் உள்ள சங்கபரிவார்கள் நாடு பிளவுபட வேண்டும் என விரும்புகின்றனர். பாபர் மசூதி பாபர் மசூதி பிரச்சனையை வைத்து இந்தியாவில் மத துவேசத்தை வளர்த்து இந்தியாவை துண்டாட சதி செய்கிறார்கள்.பாபர் மசூதியோடு இவர்கள் நின்றுவிடவில்லை காசி, மதுரா, இதுவல்லாமல் இந்தியா முழுவதும் மூவாயிரம் பள்ளிகள் இவர்கள் லிஸ்ட் இல் உள்ளது. இதை முஸ்லிம்களால் சகித்து கொள்ளமுடியாது. இது ஒரு பெரிய இன மோதல்களை உருவாக்குவதோடு பிரிவினைக்கும் வழிவகுக்கும் என்று கூறினார். அதை என்னால் சகித்துக்கொள்ள முடியாது என அன்சாரி தெரிவித்தார்

உச்ச நீதிமன்ற நீதிபதி லஞ்சம் வாங்கியதை நேரில் பார்த்தேன்: காங்கிரஸ் எம்.பி.

திருவனந்தபுரம், பிப்.14 உச்ச நீதிமன்ற நீதிபதி லஞ்சம் வாங்கியதை நேரில் பார்த்ததாக கேரளாவைச் சேர்ந்த காங்கிரஸ் எம்.பி. கூறியுள்ளதால் பரபரப்பு ஏற்பட்டுள்ளது.

கேரள காங்கிரஸ் (பி) கட்சியின் தலைவர் பாலகிருஷ்ண பிள்ளைக்கு, ஊழல் வழக்கு ஒன்றில் உச்ச நீதிமன்றம் சமீபத்தில் 1 ஆண்டு சிறைதண்டனை விதித்தது. தண்டனை பெற்ற அவருக்கு தார்மீக ஆதரவு வழங்கும் விதத்தில், கேரள மாநில காங்கிரஸ் கூட்டணி சார்பில் கொல்லம் மாவட்டம், கொட்டாரக்கராவில்

புரட்சி பயம்!! பஹ்ரைன் நாட்டில் குடும்பம் ஒன்றிற்கு 2650 டாலர் வழங்கபடுகிறது!!

மனாமா,பிப்.13: துனீசியா, எகிப்து ஆகிய நாடுகளில் ஏற்பட்ட மக்கள் எழுச்சியைத் தொடர்ந்து அந்நாடுகளின் ஆட்சியாளர்கள் பதவி விலகியதைத் தொடர்ந்து ஏற்பட்ட அச்சம் அரபுலக ஆட்சியாளர்களை அச்சத்தில் ஆழ்த்தியுள்ளது. பஹ்ரைன் நாட்டில் வருகிறது 14-ஆம் தேதி எதிர்கட்சியினர் போராட்டத்திற்கு அழைப்புவிடுத்துள்ளனர். இந்நிலையில் அந்நாட்டு மன்னர் ஹமத் பின் ஈஸா அல் கலீஃபா 

இப்போதைக்கு புதிய மந்திரிசபை இல்லை: எகிப்து பிரதமர்

கெய்ரோ, பிப். 15 எகிப்தில் இப்போதைக்கு புதிய மந்திரிசபை அமைக்கப்படமாட்டாது. அதற்கு அவசரமில்லை என அந்நாட்டு பிரதமர் அகமது ஷாபிக் தெரிவித்துள்ளார்.

எகிப்தில் அதிபர் முபாரக்கை பதவி விலகக்கோரி கடந்த 17 நாட்களாக பொதுமக்கள் ஆர்ப்பாட்டம் நடத்தி வந்தனர். தரிர் சதுக்கத்தில் குவிந்த லட்சக்கணக்கான மக்களின் ஆர்ப்பாட்டத்தால் அதிர்ந்து போன

அருண் சோரிக்கு சி.பி.ஐ சம்மன்

புதுடெல்லி,பிப்:ஐக்கிய முற்போக்குக் கூட்டணி அரசை ஆட்டிப்படைத்து வரும் ஸ்பெக்ட்ரம் ஊழல் பா.ஜ.கவையும் தொற்றிக்கொண்டது.

வாஜ்பாய் அமைச்சரவையில் தகவல் தொடர்பு அமைச்சராக பதவி வகித்த அருண் சோரிக்கு 2ஜி ஸ்பெக்ட்ரம் ஊழல் தொடர்பாக விசாரணை நடத்துவதற்கு சி.பி.ஐ சம்மன் அனுப்பியுள்ளது.விசாரணை நடத்துவதற்கு வருகிற 21-ஆம்தேதி டெல்லியில் சி.பி.ஐ தலைமையகத்தில் ஆஜராக அருண்சோரிக்கு
சம்மன் அனுப்பப்பட்டுள்ளது.

முபாரக் வீழ்ந்தார், இப்போது அலி அப்துல்லாவின் முறை!? : யேமனின் தொடங்கும் புதிய வன்முறைகள்

எகிப்தில் அரச எதிர்ப்பாளர்கள் நடத்திய ஆர்ப்பாட்டம் வெற்றிபெற்றதைஅடுத்து, அந்நாட்டை பின் பற்றி யேமன் நாட்டிலும் அரச எதிர்ப்பு அதிகரித்துள்ளது.தலைநகர் சானாவில் அதிபர் மாளிகையை முற்றுகையிடுவதற்காக ஆயிரத்திற்கு மேற்பட்ட பொதுமக்கள் நடத்திச்சென்ற ஊர்வலத்தின் மீது அரச

இம்பாக்ட் பக்கம் - காதலர் தினம் எப்படி வந்தது?

இஸ்லாத்திற்கு ஒவ்வாத, அந்நியக் கலாச்சாரப் பழக்கவழக்கங்கள் பலவற்றை முஸ்லிம்கள் தற்காலத்தில் அதிகமாகச் செய்கிறார்கள். அந்தச் செயல்களில் ஈடுபடுகின்ற பலருக்கு தாங்கள் செய்வது சரியா, தவறா என்பது தெரியாது.

ஆம்! அவர்கள் ஆரத்தழுவி அரவணைத்துக் கொள்ளும் அடையாளங்கள் அவிசுவாசத்தின் அடையாளங்கள். அவர்கள் கடன் வாங்கும் கருத்துகள், சிந்தனைகள் யாவும் மூடநம்பிக்கையிலிருந்து பிரவாகமெடுத்தது. இவைகள் அனைத்தும் இஸ்லாத்திற்கு நேரெதிரானவை

நினைவலைகளி​ல் ஷாஹித் ஆஸ்மி

ஷாஹித் ஆஸ்மி - மனித நேயமிக்க துணிச்சலான வழக்கறிஞர். அதிகாரவர்க்கத்தின் அடக்கு முறையினால் பாதிக்கப்பட்ட மக்கள், அவர்கள் எந்த சமுதாயத்தைச் சார்ந்தவர்களாகயிருந்தாலும் அவர்களுக்காக வாதாடியவர்.தீவிரவாத முத்திரைக்குத்தப்பட்ட எத்தனையோ முஸ்லிம் இளைஞர்களின் வழக்குகளை துணிவுடன் எடுத்து நடத்தி விடுதலையைப் பெற்றுத் தந்தவர். நீதிக்காக போராடிய அந்த இளைஞரை கடந்த ஆண்டு பிப்ரவரி மாதம் 11-ஆம் தேதி அக்கிரமக்காரர்களின் கைக்கூலிகள் துப்பாக்கித் தோட்டாக்களால் துளைத்தனர்

எகிப்து மக்கள் எழுச்சியில் இஃவான்களின் பங்கு என்ன?

பிப்.13:தஹ்ரீர் சதுக்கத்தை மையமாக வைத்து கடந்த 18 தினங்களாக நடைபெற்ற மக்கள் எழுச்சிப் போராட்டத்தை அமைதியான முறையில் நிர்வகித்தது யார்? என்ற கேள்விக்கு பதிலாக அனைவரும் சுட்டிக் காட்டுவது எகிப்தின் பிரதான எதிர்கட்சியான இஃவானுல் முஸ்லிமீன் இயக்கமாகும்.மக்கள் எழுச்சிப் போராட்டம் வலுப்பெறுவதற்கு இணையதளமும், அல்ஜஸீராவும் முக்கிய பங்கு வகித்த பொழுதிலும் வலுவான தலைமையில்லாமல் இந்த மக்கள் புரட்சி வெற்றிப் பெறவியலாது என்பதைத்தான் இஃவான்களின் பங்களிப்பு நமக்கு உணர்த்துகிறது

அல்ஜீரியாவிலும் மக்கள் எழுச்சி தீவிரம்

அல்ஜீர்ஸ்,பிப்.13:தடையையும் மீறி நூற்றுக்கணக்கான மக்கள் அல்ஜீரியாவின் தலைநகரான அல்ஜீர்ஸில் போராட்டத்தில் ஈடுபட்டனர். அல்ஜீரியாவில் ஜனநாயகத்தை நிலைநாட்ட வேண்டுமென அவர்கள்வலியுறுத்தினர்.
போராட்டம் நடைபெறும் வேளையில்         மோதல் வெடித்ததாகவும் போராட்டத்தில் ஈடுபட்ட பலரை போலீசார் கைதுச் செய்ததாகவும் செய்திகள் கூறுகின்றன

எகிப்தில் ஆட்சியை பிடிக்க இராணுவ அதிகாரிகள் இடையே போட்டி

கெய்ரோ, பிப். 13 அதிபர் முபாரக் பதவி விலகியதைத் தொடர்ந்து எகிப்தில் ஆட்சியை பிடிக்க 2 இராணுவ அதிகாரிகள் ஆகியோரிடையே கடும் போட்டி நிலவுகிறது.

எகிப்தில் ஆட்சி நடத்தி வந்த அதிபர் ஹோஸ்னி முபாரக்குக்கு எதிராக மக்கள் தொடர் போராட்டம் நடத்தியதைத் தொடர்ந்து 18 நாட்களுக்கு பிறகு முபாரக் தனது பதவியை ராஜினாமா செய்து விட்டு கெய்ரோவில் இருந்து குடும்பத்துடன் தப்பி சென்று விட்டார். இதையடுத்து எகிப்தில் ஆட்சியை பிடிக்க இராணுவ அதிகாரிகள் பீல்டு மார்ஷல் உசேன் கந்தாவி (75), லெப்டினனட்ட் ஜெனரல் சமி ஹபீஸ் எனான் ஆகியோரிடையே கடும் போட்டி நிலவுகிறது. அவர்களில் பீல்டு மார்ஷல் கந்தாவி முபாரக்கின் ஆதரவாளர் ஆவார். அதே நேரத்தில் எனான் அமெரிக்காவின் ஆதரவாளராக உள்ளார். எனவே இவரிடம் பொறுப்பை ஒப்படைக்க அமெரிக்கா விரும்புகிறது

இனி இஸ்ரேலும், அமெரிக்காவும் இல்லாத மேற்காசியா - அஹ்மத் நஜாத்

டெஹ்ரான்,பிப்.12:அமெரிக்காவும், இஸ்ரேலும் இல்லாத மேற்காசியா எதிர்காலத்தில் உருவாகும் என ஈரான் அதிபர் அஹ்மத் நஜாத் அறிவித்துள்ளார்.

'எத்தனை தந்திரங்களை கையாண்டாலும் மக்கள் புரட்சியின் மூலமாக அமெரிக்காவும், சியானிஷ நாடும் இல்லாத ஒரு மேற்காசியாவை உருவாக்கலாம் என்பதை உங்களால் உறுதிப்படுத்த முடியும்' - ஈரான் இஸ்லாமிய புரட்சியின் 32-வது நினைவு தினத்தையொட்டி டெஹ்ரானின் ஆசாத்(சுதந்திர) சதுக்கத்தில் நடந்த பொதுக்கூட்டத்தில் ஆற்றிய உரையில் அஹ்மத் நஜாத் தெரிவித்தார்.

'இப்பிராந்தியத்தில் எகிப்து மற்றும் துனீசியாவின் விவகாரங்களில் வெளிநாட்டு சக்திகள் தலையிடக் கூடாது. ஆஃப்கானில் இவர்கள் என்னச் செய்தார்கள்? இப்பிராந்தியத்தில் ஏன் இவர்கள் ராணுவ தளங்களை அமைக்கின்றார்கள்?' -நஜாத் கேட்கிறார்.

இரண்டு நாடுகள் என்று கூறும் பொழுதே இஸ்ரேலின் மேலாதிக்கத்திற்காக அமெரிக்கா செயல்படுவதாக நஜாத் குற்றஞ்சாட்டினார்.

எகிப்திய புரட்சியை வாழ்த்திய நஜாத், எச்சரிக்கையோடு இருக்குமாறு அந்நாட்டு மக்களை கேட்டுக்கொண்டார். சுதந்திரத்தை பெறுவது உங்களுடைய உரிமையாகும். உங்களை ஆட்சிபுரிபவர் யார்? என்பதை தீர்மானிக்க வேண்டியதும் நீங்களே!

சுதந்திர நாட்டைக் குறித்தும், உலக நாடுகளைக் குறித்தும் கருத்துத் தெரிவிக்க உங்களுக்கு உரிமை உண்டு. ஊழல் அரசாங்கத்தை எதிர்த்து அஞ்சாமல் உறுதியுடன் நில்லுங்கள்.வெற்றி உங்களின் அருகில் உள்ளது' என நஜாத் எழுச்சிப் போராட்டத்தில் கலந்துக் கொண்ட எகிப்திய மக்களுக்கு தெரிவித்துள்ளார்.

செய்தி:தேஜஸ் மலையாள நாளிதழ்

பாக்கிஸ்தானில் இருவரைச் சுட்டுக்கொன்ற அமெரிக்க தூதரக அதிகாரிக்கு சிறை

US - Pak உறவில் விரிசல்.
பாகிஸ்தானின் லாகூர் நகரில், கடந்த மாதம் 27ம் தேதி அமெரிக்க தூதரக அதிகாரிகள் சென்ற காரை வழிமறித்து சிலர் கொள்ளையடிக்க முயன்றனர். அவர்களை தூதரக அதிகாரி ரேமாண்ட் டேவிஸ் சுட்டுக்கொன்றார். இதையடுத்து பாகிஸ்தானிய போலீசார் ரேமாண்ட் டேவிசை கைதுசெய்துள்ளனர். தற்காப்புக்காக தான் டேவிஸ் இவர்களை சுட்டுக்கொன்றார், எனவே, அவரை விடுவிக்க வேண்டும், என அமெரிக்கா வற்புறுத்தி வருகிறது. 

'இந்த சம்பவம் தொடர்பான வழக்கு கோர்ட்டில் உள்ளதால், டேவிசை விடுவிப்பது கோர்ட்டின் முடிவில் தான் உள்ளது'என, அதிபர் சர்தாரி தெரிவித்துள்ளார். இதனால், அமெரிக்க - பாகிஸ்தானிய உறவில் நெருடல் ஏற்பட்டுள்ளது. 

இதற்கிடையே ரேமாண்ட் டேவிசால் சுட்டுக்கொல்லப்பட்ட இரண்டு பேர், ஐ.எஸ்.ஐ., உளவாளிகள் என பாகிஸ்தானிய அதிகாரிகள் தெரிவித்துள்ளனர். 

சுட்டுக்கொல்லப்பட்ட இரண்டு பேரின் மொபைல்போன் கேமராவில் டேவிசின் நடமாட்டம் பதிவு செய்யப்பட்டுள்ளது, என பாகிஸ்தான் அதிகாரிகள் தெரிவித்துள்ளனர். ஆனால், இந்த கருத்தை அமெரிக்கா ஏற்க மறுத்துள்ளது. தூதரக அதிகாரி டேவிசை விடுவிக்காவிட்டால், பாகிஸ்தானில் உள்ள மூன்று தூதரக அலுவலகங்களை மூடப் போவதாக அமெரிக்கா, மறைமுகமாக எச்சரித்துள்ளது.

ரேமண்ட் கைது செய்யப்பட்டதற்கு அமெரிக்கா கடும் கண்டனம் தெரிவித்துள்ள அ மெரிக்கா வெளிநாட்டின் தூதரக அதிகாரி என்ற சலுகை அடிப்படையில் உடனே அவரை விடுதலை செய்யும்படி வலியுறுத்திவருகின்றது. ஆனால் பாகிஸ்தான் பணியவில்லை. அமெரிக்க தூதரக அதிகாரியை கோர்ட்டில் ஆஜர்படுத்தி அவரை சிறையில் அடைத்ததும் உள்ளது. 

இது அமெரிக்காவுக்கு ஆத்திரத்தையும், எரிச்சலையும் ஏற்படுத்தியுள்ளது. பாகிஸ்தானுடனான தூதரக உறவை துண்டிக்க முடிவு செய்துள்ளது. அதன் முதல் கட்டமாக அமெரிக்காவின் தேசிய பாதுகாப்பு ஆலோசகர் டாம் டோனிலான் பாகிஸ்தான் தூதர் ஹூ சைன் ஹக்கானியை வெள்ளை மாளிகைக்கு அழைத்து பேசினார்.

அப்போது எங்கள் தூதரக அதிகாரி ரேமண்ட்டை விடுதலை செய்யாவிட்டால் உங்களை (ஹக்கானியை) அமெரிக்காவில் இருந்து வெளியேற்றுவோம். அடுத்த மாதம் (மார்ச்) பாகிஸ்தான் அதிபர் ஆசிப் அலி சர்தாரி அமெரிக்கா வருகை தர உள்ளார். அவரது வருகையையும் ரத்து செய்வோம் என மிரட்டல் விடுத்தார்.

இந்த தகவலை அமெரிக்காவில் இருந்து வெளிவரும் ஒரு பத்திரிகை தெரிவித்துள்ளது. ஆனால் இதை ஹக்கானி மறுத்துள்ளார். அமெரிக்க அதிகாரிகள் தன்னிடம் இது போன்று மிரட்டல் விடுக்கவில்லை என்று கூறியுள்ளார். அமெரிக்காவின் மிரட்டலுடனான கோரிக்கையை பாகிஸ்தான் ஏற்கவில்லை.

லாகூர் மாடல் டவுன் பகுதியில் உள்ள குற்றவியல் மாஜிஸ்திரேட்டு அமெரிகக் தூதரக அதிகாரி ரேமண்ட் டேவிஸ் நேற்று ஆஜர்படுத்தப்பட்டார். அவர் மீண்டும் 14 நாள் காவலில் வைக்கப்பட்டார்

பாக் நீதிமன்றம் :முஷாரஃபிற்கு பிடிவாரண்ட்

இஸ்லாமாபாத்,பிப்.12:பெனாசிர் பூட்டோ கொலைவழக்கில் தொடர்புடையவர் எனக் குற்றஞ்சாட்டப்பட்ட பாகிஸ்தான் முன்னாள் அதிபர் பர்வேஷ் முஷாரஃபிற்கு ஜாமீன் இல்லாத வாரண்ட் பிறப்பிக்கப்பட்டுள்ளது.

பாகிஸ்தான் தீவிரவாத எதிர்ப்பு நீதிமன்றம் இவ்வுத்தரவை பிறப்பித்துள்ளது. ஃபெடரல் இன்வெஸ்டிகேஷன் ஏஜன்சி சமர்ப்பித்த விரிவான குற்றப்பத்திரிகையைத் தொடர்ந்து இந்நடவடிக்கையை நீதிமன்றம் மேற்கொண்டது.

முன்னாள் பாகிஸ்தான் பிரதமர் பெனாசிர் பூட்டோவுக்கு போதுமான பாதுகாப்பு வழங்கவில்லை என முஷாரஃப் மீது குற்றஞ்சாட்டப்பட்டிருந்தது. 2007-ஆம் ஆண்டு ராவல்பிண்டியில் நடந்த தேர்தல் பிரச்சார பேரணியின் போது பெனாசிர் கொல்லப்பட்டார். 2009-ஆம் ஆண்டுட் முதல் முஷாரஃப் பிரிட்டனில் வசித்துவருகிறார்.

செய்தி:தேஜஸ் மலையாள நாளிதழ்

யாசின் மாலிக் மீது பா.ஜனதா குண்டர்கள் ஷூ வீச்சு

அஜ்மீர், பிப். 12 காஷ்மீர் விடுதலை முன்னணி" தலைவர் யாசின் மாலிக் மீது பா.ஜனதா தொண்டர் ஒருவர் ஷூவை வீசினார்.

காஷ்மீரில் இயங்கும் பிரிவினைவாத இயக்கங்களில் ஒன்றான "காஷ்மீர் விடுதலை முன்னணி" தலைவர் யாசின் மாலிக் ராஜஸ்தான் மாநிலத்தின் புனித நகரமான அஜ்மீர் சென்றுள்ளார். அங்குள்ள தர்காவில் பிரார்த்தனை நடத்திய அவர் ஒரு ஓட்டலில் தங்கியுள்ளார். அவரது வருகைக்கு பா.ஜனதா கட்சியினர் கடும் எதிர்ப்பு தெரிவித்து நேற்று போராட்டம் நடத்தினார்கள். எம்.எல்.ஏ. வாசுதேவ் தேவ்னானி தலைமையில் கூடிய தொண்டர்கள் மாலிக்கின் கொடும்பாவியை எரித்தனர். அப்போது ஓட்டல் மாடியில் நின்று இதை பார்த்த மாலிக் மீது ஒரு தொண்டர் ஷூவை வீசினார். ஆனால் அது அவர் மீது படவில்லை. மேலும் மாலிக்குக்கு எதிராக அவர்கள் கோசமும் போட்டனர்.

காஷ்மீரில் நமது தேசிய கொடியை ஏற்ற அனுமதிக்காத பிரிவினைவாதி ஒருவர் இந்த நாட்டில் சுதந்திரமாக நடமாட அனுமதிக்க முடியாது. அவரை உடனடியாக அஜ்மீரில் இருந்து வெளியேற்றுங்கள் என்று ஒரு மனுவை பா.ஜனதா கட்சியினர் கலெக்டரிடம் கொடுத்தனர்

கைது செய்யப்பட்ட அதிகாரியை விடுவிக்காவிட்டால் தூதரை வெளியேற்றுவோம்: அமெரிக்கா

பாகிஸ்தானில் போலீசாரால் கைது செய்யப்பட்ட அமெரிக்க அதிகாரி ரேமாண்ட் டேவிஸ் (36) உடனடியாக விடுவிக்கப்படாவிட்டால், பாகிஸ்தான் தூதரை வாசிங்டனிலிருந்து வெளியேற்றுவோம் என்று அமெரிக்கா எச்சரிக்கை விடுத்திருப்பதாக செய்தி வெளியாகியிருக்கிறது. இந்த நிலையில், டேவிசை 14 நாள் காவலில் வைக்க பாகிஸ்தான் நீதிமன்றம் நேற்று உத்தரவிட்டிருப்பதால், இருதரப்பு உறவில் பதற்றம் ஏற்பட்டிருக்கிறது.

முபாரக் ராஜினாமா: எகிப்தில் ராணுவம் ஆட்சியை கைப்பற்றியது

எகிப்து அதிபர் முபாரக் தனது பதவியை ராஜினாமா செய்துவிட்டு குடும்பத்துடன் கெய்ரோவில் இருந்து வெளியேறினார். ஆட்சி பொறுப்பை ராணுவம் கைப்பற்றியது.

எகிப்து நாட்டில், கடந்த 30 ஆண்டுகளாக சர்வாதிகார ஆட்சி நடத்தி வரும் அதிபர் ஹோஸ்னி முபாரக்குக்கு எதிராக மக்கள் புரட்சி வெடித்தது. கடந்த 18 நாட்களாக, தலைநகர் கெய்ரோ மற்றும் அலெக்சாண்டிரியா உள்ளிட்ட முக்கிய நகரங்களில் மக்கள் வீதியில் இறங்கி போராட்டத்தில் ஈடுபட்டனர். நேற்று முன்தினம் பொதுமக்களுக்கு உரையாற்றிய அதிபர் முபாரக், தான் பதவி விலக போவதில்லை என்று திட்டவட்டமாக மறுத்தார். இதனால், ஆத்திரத்தின் உச்சிக்கு சென்ற போராட்டக்காரர்கள் நேற்று லட்சக்கணக்கில் திரண்டு, அதிபர் மாளிகையையும், பாராளுமன்றத்தையும் முற்றுகையிட்டு, கிளர்ச்சியில் ஈடுபட்டனர். இதனால், உயிருக்கு பயந்த முபாரக் தனது குடும்பத்தினருடன் ஹெலிகாப்டரில் பாதுகாப்பான இடத்துக்கு தப்பிச்சென்றதாக தகவல் வெளியானது.

இந்த நிலையில், அதிபர் முபாரக் பதவி விலகியதாக, துணை அதிபர் உமர் சுலைமான் அறிவித்ததாக அரசு தொலைக்காட்சி அல்-ஜசீரா நேற்று இரவு அறிவித்தது. இதைத்தொடர்ந்து முபாரக்கின் 30 ஆண்டு சர்வாதிகார ஆட்சி நேற்று முடிவுக்கு வந்தது. ஆட்சியை ராணுவம் கைப்பற்றியதாகவும் அறிவிப்பு வெளியானது.

சுலைமானின் அறிவிப்பை கேட்ட, பொதுமக்களின் கிளர்ச்சி வெற்றி கொண்டாட்டங்களாக மாறியது. நாடு முழுவதும் பட்டாசுகள் வெடித்து தங்கள் மகிழ்ச்சியை வெளிப்படுத்தினர். போராட்டத்தை தலைமை தாங்கி நடத்திய நோபல் பரிசு வென்ற எல்பராடி, இதுகுறித்து கூறுகையில், எகிப்து மக்களுக்கு இந்த நாள் மிகச்சிறந்த ஒரு நாள். எகிப்து இப்போது விடுதலை அடைந்து விட்டது என்று தெரிவித்தார்.

அமெரிக்க அதிபர் ஒபாமா கூறுகையில், எகிப்தில் ஆட்சி மாற்றம் ஏற்பட வேண்டும் என மக்கள் விரும்புகின்றனர். அதன் காரணமாக முபாரக் பதவிவிலகியுள்ளார். இதனை நான் வரவேற்கிறேன். மிகவும் சிக்கலான இத்தருணத்தில் எகிப்தின் எதிர்காலம் குறித்து பல்வேறு கேள்விகள் எழும், ஆனாலும் எகிப்து மக்கள் மீது நான் மிகுந்த நம்பிக்கை வைத்துள்ளேன். அதற்கு விரைவில் தீர்வு கிடைக்கும் என்றார்