கடனிலிருந்து மீள்வதற்கான நிதி சீர்திருத்த திட்டத்தை கையளிக்கும் பட்சத்தில் கிங்பிஷர் ஏர்லைன்ஸ் மிண்டும் விமான சேவையை தொடக்க அனுமதிக்கப்படும் என விமான போக்குவரத்து ஆணையகம் தெரிவித்திருந்தது.
இதன் அடிப்படையில் தனது மறுசீரமைப்பு திட்டத்தை கிங்பிஷரும் கையளித்தது. ஆனால் அதில் முதலீடு திரட்டுவது குறித்து தெளிவுபடுத்தப்படவில்லை என மத்திய விமானத்துறை அமைச்சர் அஜித் சிங் கடந்த சில தினங்களுக்கு முன்னர் தெரிவித்திருந்தார்.
இந்நிலையிலேயே தற்போது கிங்பிஷர் விமான நிலையத்தின் லைசென்ஸை இரத்து செய்துள்ளதாக சிவில் விமான போக்குவரத்து இயக்குனரகத்தின் தலைவர் (DGCA) அருண் மிஷ்ரா தெரிவித்துள்ளார். சேவைகளை தொடர்ந்து நடத்துவதற்கு தேவையான நிதி மூலம் எங்கிருந்து கிடைக்கப்பெறுகிறது என போதுமான தரவுகளைத் தர அவர்கள் மறுத்துவிட்டனர் என அருண் மிஷ்ரா கூறியுள்ளார். எனினும் தாம் மீண்டும் புத்துயிர் பெற்று சேவையை தொடக்குவதற்கு, இருவருட கால எல்லை இருப்பதாக கிங்பிஷர் தெரிவித்துள்ளது.
கிங்பிஷரில் தொடரும் நிதிச்சிக்கலை சரிசெய்ய தற்போது வெளிநாட்டு முதலீடு தொடர்பில் கிங்பிஷர் தீவிர கவனம் செலுத்தி வருவதாக தெரிவிக்கப்படுகிறது. 2012 கிங்பிஷர் நிறுவனத்திற்கு மிக மோசமான ஆண்டாக மாறிவிட்டது.
எனினும் கடந்த 2011 முடிவடையும் வரை, இந்தியாவின் இரண்டாவது மிகப்பெரிய விமான சேவையாக கிங்பிஷர் இருந்தது குறிப்பிடத்தக்கது.
0 கருத்துகள்:
கருத்துரையிடுக