கற்பதற்கும் வைத்திய சேவையைப் பெறுவதற்கும்
இதில் மியான்மாரைச் சேர்ந்த் சகீலா பேகம் எனும் பெண்மணி ஊடகங்களுக்குப் பேட்டியளிக்கையில் இரண்டு வருடங்களுக்கு முன்னர் தனது கணவர் கைது செய்யப்பட்டு கட்டாயக் கூலி வேலைக்கு பணிக்கப் பட்டதாகவும் தான் இந்தியாவிற்கு தஞ்சம் புகுந்ததாகவும் கூறினார். மேலும் தனது மகன் குறித்து எந்த தகவலும் கிடைக்கவில்லை எனவும் பின்னர் தனது உறவினர்கள் வாயிலாக அவரும் கைது செய்யப் பட்ட சேதியை அறிந்ததாகவும் தனது பேரப் பிள்ளைகள் அனாதைகளாக நடு வீதியில் நிற்பதாகவும் மேலும் கூறியுள்ளார்.
மியான்மாரில் ரோஹிங்கியா முஸ்லிம்கள் 8 ஆம் நூற்றாண்டிலேயே குடியேறி விட்ட போதும் மியான்மார் அரசாங்கம் இவர்களைக் குடிமக்களாக மதிப்பதில்லை. மேலும் மியான்மாரின் மேற்கு மாநிலமான ராக்கைனில் அரசால் கட்டவிழ்த்து விடப்பட்ட வன்முறைகளில் பல நூற்றுக்கணக்கான ரோஹிங்கியா முஸ்லிம்கள் கொல்லப் பட்டும் பலர் காணாமற் போயும் இடம் பெயர்ந்தும் உள்ளனர்.
இதனால் மனித உரிமை ஆர்வலர்கள் ஐ.நா உடனடியாக மனிதாபிமான நிவாரணப் பணியை ரோஹிங்கியா அகதிகளுக்கு வழங்க வேண்டும் எனவும் மியான்மார் அரசிடம் முஸ்லிம்களைக் குறி வைத்து நிகழ்த்தும் தொந்தரவுகளையும் படு கொலைகளையும் நிறுத்த சொல்ல வேண்டும் எனத் தொடர்ச்சியாகக் குரல் எழுப்பி வருகின்றனர்.
0 கருத்துகள்:
கருத்துரையிடுக