அதோடு 1991இல் ஆரம்பித்த காவிரி நதிநீர் நடுவர் நீதிமன்றத்தின் ஆணையாக 2006 இல் வெளிவந்த தீர்ப்பை ஏன் மத்திய அரசு தனது இதழில் வெளியிடவில்லை என்று நீதிபதிகள் கேள்வி எழுப்பினர்.
அதற்கு பதில் அளித்து மத்திய அரசு சார்பாக வாதாடிய வழக்கறிஞர் தமிழகம், புதுவை, கேரளா, கர்நாடகா ஆகிய நான்கு மாநிலங்கள் தாக்கல் செய்திருக்கும் மேன்முறையீட்டு வழக்கு நிலுவையில் உள்ளதால், அரசு இதழில் இந்த ஆணை வெளியாகவில்லை என்றார். எனினும் இதனை ஏற்றுக்கொள்ள முடியாது என கூறிய நீதிபதிகள், மத்திய அரசு இதழில் தீர்ப்பை வெளியிட தடையேதும் விதிக்கப்படவில்லை. நடுவர் நீதிமன்றத்தின் ஆணைக்கும் தடையேதும் விதிக்கப்படவில்லை. அப்படியிருக்க அரசு இதழில் ஏன் வெளியிடவில்லை என கேள்வி எழுப்பினர். மேலும் எப்போது அரசு இதழில் வெளியிடப்படும் என நீதிமன்றத்துக்கு மத்திய அரசு தெரிவிக்க வேண்டும் எனவும் கூறினர்.
0 கருத்துகள்:
கருத்துரையிடுக