சவுதி அரேபிய இளவரசர் காலமானார்!

சவுதி அரேபியாவின் இளவரசர் நயெஃப் பின் அப்து ல்லாசிஸ் அல் சாவுத் மரணமடைந்துள்ளார். உடல் நலக்குறைவால் பாதிக்கப்பட்டு வந்த அவர் ஜெனி வாவில் காலமாகியுள்ளார்.1975ம் ஆண்டு தொடக் கம் உள்துறை அமைச்சராக இருந்த நாயெஃப் சவுதி அரேபியாவின் அடுத்த மன்னர் பதவிக்கு முடிசூடவி ருந்தவர் ஆவார். அவரது மூத்த சகோதரர் சுல்தான் காலமானதை தொடர்ந்து இளவரசாரானார். எதிர்வ ரும் திங்கட்கிழமை அவரது
பூதவுடல் புனித மக்கா நகரில் நல்லடக்கம்செய்யப்படவிருக்கிறது. இதையடுத்து 9 மாதத்திற்குள் இரண்டாவது தடவையாக சவுதி அரேபியாவுக்கு இளவரசர் ஒருவரை நியமிக்க வேண்டிய கடமையில், சவுதி அரேபிய மன்னர் கிங் அப்துல்லா தள்ளப்பட்டுள்ளார்.

பாதுகாப்பு துறை அமைச்சர் சல்மான் அடுத்த இளவரசர் ஆகலாம் என கணிக்கப்பட்டுள்ளது. அல் கைதாவினரின் செயற்பாடுகளை கட்டுக்குள் கொண்டுவருவதற்காவும் நாட்டின் பாதுகாப்பினை பலப்படுத்துவதற்காகவும் சில புதிய திட்டங்களை நடைமுறைப்படுத்தியதாகவும் அப்துல்லாசிஸுக்கு நற்பெயருண்டு.