இந்நிலையில் இவ்விவகாரம் குறித்து கருத்து தெரிவித்துள்ள சிறிலங்கா முஸ்லீம் காங்கிரஸ் தலைவர் ரவூப் ஹக்கீம், தம்புள்ளவில் இவர்கள் கூறும் இடம் புனித பிரதேசமே அல்ல, எந்த புத்தகத்திலும் இந்த பிரதேசம் புனித பிரதேசம் என கூறப்படவில்லை. தம்புள்ளையில் உள்ள சிங்கள மக்கள், மதகுருமார்கள் பலர் இந்த பள்ளிவாசல் அங்கு இருப்பதை ஆட்சேபிக்கவில்லை. ஒரு சில பிக்குமார் வெளியிலிருந்து ஆட்களை கொண்டுவந்து இந்த கைங்கரியத்தில் ஈடுபட்டுள்ளனர். இதற்கு சில துவேஷம் மிக்க சிங்கள வானொலிகளும் துணைபோகின்றன.
அமைச்சரவையில் நான் இதனை கடுமையாக ஆட்சேபிப்பேன். என்ன நினைத்துக் கொண்டு இவர்கள் இப்படி நடந்துகொள்கிறார்கள்? இந்த அரசுக்காக ஜெனிவாவில் போய் வக்காளத்து வாங்கினீர்களே? அதற்கு ஆட்சியாளர்கள் செய்யும் கைம்மாறு இதுதானா என்று கட்சியின் கீழ்மட்டத் தொண்டர்கள் கேட்கும் கேள்வியில் நியாயம் இருக்கத்தான் செய்கின்றது. எல்லாவற்றிற்கும் ஒரு எல்லையுண்டு என்பதை சம்பந்தப்பட்டவர்கள் மனதில் இருத்திக்கொள்ள வேண்டும்.
நாங்கள் எமது நிலைப்பாட்டை அரசுக்குத் தெளிவாகச் சொல்லிவிட்டோம். அதையும் மீறி அரசு செயற்படுமானால் பாரதூரமான விளைவுகள் ஏற்படும் என்பதையும் சொல்லிவைக்க விரும்புகிறோம் என அவர் குறிப்பிட்டுள்ளார்.
நன்றி தரவு : GTN
0 கருத்துகள்:
கருத்துரையிடுக